Јапонска рутина за нега на лице во 6 чекори (за блескава кожа)

Добро отстранете ја шминката и темелно исчистете го лицето, а на крај не заборавајте да ставите и хидратантен крем.

Додека наутро е доволно да го исчистите лицето, да ставите серум и крем со фактор, навечер е препорачливо добро да ја исчистите кожата.

Не само шминката, туку и загадувањето на воздухот таложи нечистотии на кожата, па пред спиење препорачливо е да се погрижите за неа.

Жените од Јапонија се познати по добрата нега на лицето и младешкиот изглед.

Па, од нив можеме да научиме многу.

Во продолжение, јапонска ноќна рутина од 6 чекори за блескава кожа на лицето:

Прв чекор: Средство за отстранување шминка

Немојте да ја отстранувате шминката со влажни марамчиња, особено ако имате чувствителна кожа.

Идеално би било да користите масло за отстранување шминка или нежно средство соодветно на вашиот тип кожа, како мицерална вода.

Исто така, користете разни тупфери за очите и останатиот дел од лицето.

Доколку немате шминка на лицето, прескокнете го овој чекор.

Втор чекор: Средство за миење лице

Следно треба да ги отстраните малите остатоци од шминка, но и темелно да го исчистите лицето.

Купете нежно средство за миење лице, како гел или пена, нежно втријте ја на влажно лице.

Исплакнете со вода која не е многу студена, но и не е многу топла, па избришете го лицето со чиста крпа.

Трет чекор: Пилинг за лице

Користете нежен пилинг за лице или, уште подобро, серуми кои прават хемиски пилинг на кожата.

Ако имате почувствителна кожа, доволно е да го правите пилингот два-трипати неделно, а не секој ден.

Четврти чекор: Тонер за лице

Тонерот ја враќа нормална pH-вредност на кожата, што е неопходно по темелното чистење.

Исто така, го изедначува тенот.

Петти чекор: Серум за лице

Бидејќи сега кожата на лицето е добро подготвена, серумот подобро ќе се впие и ќе биде поефикасен.

Користете серум според вашите потреби, без разлика дали е тоа со витамин Ц, ниацинамид и слично.

Можете да правите и комбинација – наутро да ставате еден вид серум, навечер друг.

Шести чекор: Хидратантен крем

На крај, важно е да ја хидрирате кожата, дури и ако ви е мрсна.

Прво почекајте малку серумот да се впие, па нанесете хидратантен крем соодветен на вашиот тип кожа.

Спирова С. | Црнобело