Дали влакната растат погусти и што друго треба да знаат жените пред да го избричат лицето?
Иако кожата може да биде помека, важно е да знаете дека бричењето на лицето не е препорачливо за девојки и жени со егзема, акни и слични кожни проблеми. Што друго треба да знаете за овој тренд за убавина?
Ако користите ТикТок или Инстаграм, веројатно сте налетале на релативно новиот тренд за жени – бричење на лицето.
Во своите видеа, инфлуенсерките велат дека по бричење, кожата им е многу помазна и помека, како и дека шминката изгледа поубаво.
Тврдат и дека бричењето прави вид пилинг на кожата, односно ги отстранува мртвите клетки кожа.
Па, што треба да знаете за овој тренд?
Предности и недостатоци од бричење на лицето
Покрај што ги отстранува влакната, бричењето навистина ѝ прави пилинг на кожата и поради тоа може да биде помазна.
Сепак, овој третман не е препорачлив ако имате чувствителна кожа или состојби како егзема, псоријаза и акни.
Придобивки од бричење на лицето:
- Ги отстранува влакната и мртвите кожни клетки
- Ги отстранува нечистотиите и го подобрува изгледот на кожата
- Шминката навистина изгледа подобро, но и може да трае подолго
Недостатоци од бричење на лицето:
- Можна појава на поткожни влакна
- Ризик да се пресечете
- Сува кожата кожа може да стане уште посува и да чувствувате чешање, како и да се појави црвенило
Дали по бричењето влакната ќе пораснат потемни?
Генерално, влакната на лицето (освен на веѓите и можеби на надусниците и брадата), се поразлични.
Тие се многу тенки и светли и кај девојки и жени со светла коса, се практично невидливи.
Иако многумина веруваат во овој мит, бричењето нема да ви ги направи влакната потемни или погусти.
Единствено, кога влакната растат по бричење, се создава илузија дека се потемни.
Кога се бричите, вие го сечите влакното, па наместо тенкиот врв, најгоре е подебел дел. Па, додека влакното да порасне цело, може да изгледа дека е подебело.
И секако, влакната не можат да станат погусти бидејќи бричењето не создава нови фоликули.
Како да го избричите лицето?
Ако сепак сакате да го пробате овој тренд, треба да земете предвид неколку работи.
- Темелно исчистете ја кожата и исушете ја. Не мора да користите кремови или гелови за бричење бидејќи женските влакна не се цврсти како кај машката брада. Сепак, некои девојки и жени велат дека користат масло за кожа.
- Користете посебен жилет за бричење наменет за жени. Некогаш овие жилети се брендирани како жилети за веѓи или на англиски - dermaplaning.
- Никако немојте да користите тап жилет, во спротивно може да ја иритирате кожата.
- Додека се бричите, малку затегнете ја кожата со едната рака, а со другата држете го жилетот под агол од 45 степени. Движењата треба да ви бидат нежни, со што е можно помал притисок.
- Секогаш бричете ги влакната во насока на нивното растење за да избегнете иритација.
- Плакнете го жилетот со вода по секое движење.
- Не пробувајте да ја бричите областа околу веѓите, освено ако не сте искусни бидејќи лесно можете да направите грешка.
- Откако ќе завршите, исплакнете го лицето и задолжително нанесете хидратантен крем.
Спирова С. | Црнобело
Би можело да ве интересира:
Препорачуваме
Најчитани неделава
