Низ илустрации: Како да ја воспитате ќерката за да биде независна и одговорна личност?

Научете ја уште од најмали нозе да се грижи за себе и за сопствените обврски, дозволете сама да се избори со сопствените проблеми. Како да ја воспитате ќерката, за да стане независна и успешна личност?

Во минатото девојчињата биле воспитувани да молчат и да се покоруваат на мажот, на свекрвата и на семејството, па затоа на жените што израснале во таква патријархална средина денес им е многу тешко да ги воспитаат своите ќерки на начин што соодветствува на модерното време.

Во време кога телесната убавина се става во преден план, а се занемаруваат другите морални вредности, одгледувањето ќерка може да биде вистински предизвик.

Во продолжение издвојуваме неколку совети што ќе им бидат од помош на сите родители коишто имаат ќерка, а сакаат од неа да создадат личност којашто истовремено ќе биде независна и одговорна.

Барајте од ќерката да ви помага околу домашните обврски

Децата треба од најмали нозе да се учат да помагаат околу домашните обврски, без разлика дали станува збор за синови или ќерки.

Фрлањето на ѓубрето, миењето садови, шетањето на кучето, помошта околу средувањето на испраната облека се некои од обврските што може од најмала возраст да ги научат децата да бидат одговорни.

Ако ги терате да се вклучуваат во домашните обврски вие ќе ги научите дека не е важно само да се учи, туку дека има и други обврски што мора да се завршат.

Внимавајте на комплиментите

Често зборуваме дека внатрешната убавина на личноста е поважна од надворешната, но девојчињата, за жал од најмала возраст прво добиваат комплименти за убавината, а потоа за тоа што го прават.

Наместо да давате комплименти за изгледот, обидете се прво да ги пофалите нејзините постигнувања.

Тоа не значи дека не треба да ѝ кажете на ќерката дека е убава, но таквите комплименти треба да следуваат дури откако ќе ја пофалите за она што е поважно – за трудот што го вложила за да постигне некој успех, за напорното учење, за скромноста…

Дозволете ѝ да го каже сопственото мислење

Обично ќерките ги учиме дека „добрите девојки“ треба да ги слушаат родителите, да ја наведнат главата и да си премолчат. Но, дали секогаш родителите се во право? Понекогаш и тие може да згрешат и нема потреба децата да ги учите дека сте безгрешни, само затоа што сте повозрасни.

Тоа не значи дека треба девојчето да го научите на секое барање да одговара со „не“, туку да знае да го каже сопственото мислење без да се плаши.

Со тоа ќе ѝ помогнете и во иднина кога ќе треба да изгради кариера да не се плаши да ги изнесува сопствените ставови и да се спротивстави таму каде што има потреба од тоа.

Продолжува на следната страница...