Пиела 90 лаксативи навечер за да биде слаба: Тажната смрт на првата славна личност која починала од анорексија, Карен Карпентер

Детали

понеделник, 31 март 2025

Карен Карпентер, вокалистката и тапанарката од дуото The Carpenters, почина на само 32-годишна возраст од анорексија. Кога била примена во болница, тежела помалку од 40 килограми и иако забележла подобрување, штетата од нарушвуањето била преголема.

Карен Карпентер беше вокалистка на популарното дуо The Carpenters.

Бендот го основала со нејзиниот постар брат Ричард.

До денес, Карен останува запомнета како еден од најдобрите вокали од Америка, додека магазинот Rolling Stone ја стави на листата на 100-те најдобри пејачи на сите времиња.

Карен беше и тапанарка во бендот, па покрај гласот, се истакнуваше и со својот инструмент.

И, до денес честопати ја споредуваат со најдобрите тапанари во светот.

Но, Карен се бореше и со анорексија и е една од првите познати личности кои ја изгубиле битката со нарушувањето.

Почина во 1983-та, на само 32-годишна возраст.

Неколку детали за нејзината битка со анорексијата:

Во средношколските денови, Карен, која беше висока 163 сантиметри, тежела околу 66 килограми.

И, во ера кога се славел екстремно слабиот изглед, честопати била мета на шеги поради својата тежина.

Впрочем, таа почнала да свири тапани бидејќи сметала дека може да се скрие зад нив кога е на сцена.

Со лекарски надзор, Карен почнала да држи строга диета со која ослабела до 54 килограми.

Пејачката ја одржувала својата тежина и главно била задоволна од својот изглед, сè до 1973 година.

Дотогаш веќе се прославила со својот бенд и честопати била мета на папараците.

И, кога видела своја фотографија во медиумите, помислила дека изгледа премногу дебело.

Карен имала личен тренер и сметала дека поради вежбите што ја терал да ги прави, станала премногу мускулеста.

Па, го отпуштила тренерот и си направила свој план за слабеење со опсесивно броење калории и интензивни кардио вежби.

За помалку од две години, Карен стигнала до 41 килограм.

Притоа, почнала да пие и по 90 лаксативи навечер за да ја одржува килажата.

Пиела и лекови за проблеми со тироидната жлезда бидејќи го забрзувале метаболизмот.

Со текот на времето, нејзините методи за слабеење станувале сè поекстремни и пејачката развила анорексија.

Семејството, но и фановите на Карен веќе сериозно се загрижиле за неа, па блиските успеале да ја убедат да побара медицинска помош.

Продолжува на следната страница...