9 активности кои можете да ги правите на Халкидики, за да немате пензионерски одмор

Кајакарење по тиркизните води во околината на островот Дијапорос, тргајќи од Вурвуру, или пак, крстарење со пиратски брод до третиот крак или до Сината лагуна, но и приватни тури со јахта за истражување недопрени убавини заедно со друштвото. 

Покрај убавите плажи и бич барови во местата низ Халкидики, доколку сакате неколку дена од одморот да направите нешто поразлично, време е за авантура.

На многу места низ Касандра и Ситонија се нудат разни тури со брод и други авантуристички активности кои може да ги пробате. 

Повеќето тури и активности кои се предложени на TripAdvisor се однесуваат за оние кои веќе се сместени на вториот крак, но има и неколку на првиот. 

Сепак, не мора да се држите до конкретните тури предложени во нашата листа, туку може да се инспирирате за типот на тура и да побарате слични, посоодветни на вашите потреби, финансиски можности и локацијата на местото каде што сте сместени. 

Погледнете неколку идеи во продолжение: 

Крстарење до планината Атос (разгледување од брод) и посета на островот Амулијани, со поаѓање од Уранополи

Крстарење до Сината лагуна со пиратски брод, со поаѓање од Ситонија или Касандра

Приватно крстарење со јахта низ Халкидики за цело друштво и уживање на места кои не се достапни со автомобил, со поаѓање од Ситонија

Изнајмете мало бротче и сами одвезете се до Сината лагуна од Вурвуру

Крстарење до Атос, разгледување на манастирите од брод и посета на селцето Уранополи

Приватно крстарење со глисер од Вурвуру до островот Дијапорос и уживање во недопрена убавина

Кајакарење со професионалци во тиркизните води на околината на островот Дијапорос, со поаѓање од Вурвуру

Летање со параглајдер и уживање во убавините на Халкидики од небо, со поаѓање од Пефкохори

Истражете го морскиот свет со тура на нуркање во водите во околината на Касандра

M. M. | Црнобело