Каде за Први мај - 13 места за излет во природа низ Македонија

Со семејството или со друштво, добра музика, вкусна храна, студени пијалаци и сето тоа во природа - има ли подобра формула за забавен 1-ви Мај? Локацијата не мора да е во близина на вашето место на живеење, па затоа ви препорачуваме 13 места низ земјава (во близина на 10 градови) каде што можете да направите излет за паметење.

Излетот за 1-ви Мај е традиција која се почитува со години. Иако времето за овој празник често знае да се расипе и да подзаврне, ни дождот не ја расипува добрата забава.

А ако сакате да одите на излет во природа, ви препорачуваме неколку места низ Македонија каде што можете да направите пикник и да уживате.

И запомнете, излетот не мора да е во близина на местото каде што живеете - некогаш и еден час (или повеќе) возење до замислената дестинација вредат.

13 места за излет во околината на 10 градови низ Македонија:

Прилепско Езеро или Зовиќ

Во близина на Прилеп се наоѓа селото Зовиќ познато по филмскиот мост, но и ливади идеални за пикник.

Ако вашиот избор е Прилеп, тогаш можете да направите излет и на брегот околу Прилепско Езеро.

Матка и Катланово

За сите што сакаат да го поминат 1-ви Мај во околината на Скопје, освен пикник во Градски парк или ден поминат на Водно, ви препорачуваме излет на Матка (покрај реката Треска) или во Катланово.

Крани и Отешево

Ако ваш избор е Ресен, тогаш можете да си организирате излет на ливадите во и околу селото Отешево или во Крани, покрај езеро.

Велешко Езеро 

Брегот на Велешкото Езеро во Велес е идеален за празничен пикник - многу местенца покрај брегот на езерото, но и во околната шума. 

Калин Камен

Над Крива Паланка, во близина на манастирот Св. Јоаким Осоговски, се наоѓа езерото Калин Камен - чист воздух и прекрасна природа, совршени за првомајски излет.

Уште 5 на следната страница...