„Охрид и уште 6 места низ Европа“ – Британки препорачуваат идеални дестинации за летување

„Ако го посетите Охрид, не ја пропуштајте можноста да тргнете по патеката покрај езерото и да стигнете до плажата Потпеш“ - пишува во препораката.

Џесика Хамилтон и Кристина Бинленд, новинарки во британскиот магазин Metro.co.uk направија листа од 7 места за кои сметаат дека се идеални за летување, па им препорачуваат на своите домашни туристи.

Меѓу седумте локации се места во соседството, но и нашиот бисер - Охрид.

„Ако барате место за летување кое не е пренатрупано со туристи, ако сакате да истражите дестинации кои не се толку познати, а сепак се прекрасни, тогаш на нашата листа сигурно ќе најдете дестинација за своето идно летување“ - пишува во најавата.

Кои се дестинациите кои Џесика и Кристина им ги препорачуваат на британските туристи (и зошто)?

Котор, Црна Гора

Изграден помеѓу Јадранското Море и високите планини, Котор е град кој изобилува со романтични плоштади, впечатливи улици и поглед на заливот од кој застанува здивот.

Овој град е културно наследство на УНЕСКО, а датира од периодот меѓу 12 и 14 век.

Туристите, освен на блиските плажи, можат да пешачат и до тврдината над градот, да го истражуваат стариот град кој е во форма на лавиринт или да пловат со бротче низ заливот.

Секоја август тука се одржува традиционална парада на бродови, дополнета со парада низ градските улици.

Езеро Блед, Словенија

Езерото Блед е меѓу најпопуларните туристички дестинации во Словенија и лесно е да се заклучи зошто е така.

Сино-зеленото езеро е опкружено со неколку планини, чии врвови се отсликуваат во водата.

Во средината на езерото се наоѓа мал остров, со црква и средновековен замок, поради што наликува на сцена од бајка.

Интересно е што можете пешки да свртите круг околу езерото (се поминува цело за околу час и половина), а со бротче можете да стигнете и до островот.

Легендата вели дека ако ви дозволат да заѕвоните на црквеното ѕвоно и истовремено си замислите желба - таа ќе се оствари.

Охрид, Македонија

Охридското Езеро, едно од најстарите и најдлабоките на континентот, е познато по своите кристално чисти води.

Мирното езеро се спојува со градот Охрид, еден од најстаро населените градови во Европа, и град на листата на културно наследство на УНЕСКО.

Ако го посетите, не ја пропуштајте можноста да тргнете по патеката покрај езерото и да стигнете до плажата Потпеш.

А во градот, има по нешто за сите - прошетка со Самуиловата тврдина која датира од 4 век и Античкиот театар, кој Римјаните го користеле за гладијаторски борби.

Позитивно за градот е што е многу евтин - ноќевање чини помалку од 20£, додека локалното пиво е помалку од 2£.

А наместо сувенир, купете си охридски бисери. Овие не се како природните бисери добиени од морските школки, и начинот на нивна изработка се чува во тајност, но низ градот ќе најдете многу продавнички кои нудат ваков уникатен накит.

Уште 4 на следната страница...