Предлози за викенд во Солун: Музеј на селфи, лизгалиште и забавен парк за целото семејство
Топло време, чист воздух, новогодишно декориран: Солун во предновогодишна атмосфера – зошто да не?
Градот е накитен, времето убаво за прошетка покрај море, таверните расположени за нови гости – сѐ уште се седи надвор под греалки, а во дневните часови кафулињата се преполни.
Додека уживате во вкусна храна, шопинг и прошетки, ви даваме неколку забавни предлози во кои може да ужива целото семејство во Солун.
Што да посетите во Солун за време на празниците?
1. На плоштадот Аристотелус е сместен централниот божиќен маркет на кој ќе најдете празнични декорации, креативни подароци и слатки.
Уживајте во музика, забава за сите возрасти, топли пијалаци...
https://www.instagram.com/p/C0pAyHDsjRC/
2. Во близина на Белата кула е поставен забавниот парк „Астерокосмос“ во кој има забава и за најмалите (во затворен дел) и за повозрасните.
Твистер, Брод на пиратите, луда музичка железница... Влезот е 8 евра и имате неограничен број возења. Овде има и лизгалиште, а речиси секој ден има програма за деца и музички настапи.
3. Селфи музејот – место каде што може да направите забавни фотки на различни сцени и позадини.
Цената на влезниците е 8 евра за деца од 4-13 години, и 10 евра над 14 години. Работи секој ден освен понеделник, од 11.00 до 19.00 часот.
4. Музејот на илузии – во близина на пристаништето.
Истражете го светот на илузиите и имајте супер искуство со вашите пријатели и семејството.
Поминете низ Вортекс тунелот кој ќе направи да ви се чини како да се врти се околу вас. Измамете ги очите и забавувајте го умот!
Цената за влезници за деца од 4-15 години е 8 евра, а за возрасни 11 евра. Отворен е од понеделник до сабота (11 до 21 часот) и во недела (11-20 часот).
5. Уживајте во прошетка покрај морето почнувајќи од пристаништето, па сè до хотелот Македонија Палас.
Може да одите на турите со брод кои траат половина час, а се постојано на располагање во близина на Белата кула.
Е. П. | Црнобело
Би можело да ве интересира:
Препорачуваме
Најчитани неделава
