„Живеев во Дубаи и го мразам – сите, освен богатите мажи, се третирани како предмети“

„Гледав мажи кои шетаат со по три сопруги кои изгледаа мизерно. Ме бомбардираа со реклами за ботокс“, вели млада девојка која живеела во Дубаи. Ако сте го посетиле градот, каков впечаток ви остави?

Моментално Дубаи е една од најпопуларните туристички дестинации.

Мнозинството од ние кои биле се восхитени од градот, а оние кои уште немале можност да го посетат, сонуваат дека наскоро ќе го видат.

Од друга страна, постојат и луѓе кои го презираат Дубаи.

Неодамна, вирална објава на ТикТок го истакна ова поделено мислење на јавноста.

Младата девојка, која на ТикТок се претставува само како Ана, живеела во Дубаи и го опиша градот како „дистописки пекол“.

На објавата, која има над 2 милиони прегледи, таа накратко кажува што ѝ пречи во врска со раскошниот град.

Објавата е всушност слајд од неколку фотки од неа во Дубаи.

На фотките пишува:

„Ако ме прашате за Дубаи, би кажала дека го мразев. Но, ако ме прашате на подлабоко ниво, би рекла дека е најлошото место на коешто сум живеела.

Никогаш нема да го заборавам мигот кога гледав како луѓе порачуваа месо прекриено со злато, додека надвор имигрантите работеа на температура од 43 степени Целзиусови.

Пешачењето три часа без да видам малку природа која не изгледа лажно, вклучувајќи ги и плажите и брановите, беше вештачко, како некој дистописки пекол.

Гледав девојки кои ги застануваше полиција бидејќи танцувале, а бев бомбардирана со реклами за ботокс.

Мажи кои шетаат со по три сопруги кои изгледаат мизерно.

Животните, жените, доселениците и сите, ОСВЕН богатите мажи, се третирани како предмети.

Буквален пекол“.

На објавата веќе има над 6.000 коментари, а мислењата на јавноста се поделени.

Некои се согласуваат со девојката:

„Потполно се согласувам со тебе. И јас живеев во Дубаи“.

„Пораснав во Дубаи и се согласувам со голем дел од она што го кажа. Но, сепак, кога се преселив во Англија, ги видов истите работи, само што тука се подобро скриени“.

„Конечно некој да ја каже вистината. Четири години живеев во Катар и се случува истото“.

„Седум години сум во Дубаи. Сè што кажа е точно“.

Сепак, некои сметаат дека Дубаи има многу повеќе добри отколку лоши страни:

„Само луѓето од Западот се жалат. Најдоброто нешто во Дубаи е безбедноста. Можете ли да го кажете истото за Европа или Америка?“

„Неколку месеци живеам во Дубаи и ми се допаѓа. Единствено жалам што не се преселив таму порано“.

„Секој си има свое мислење. Живеам во Дубаи веќе неколку години и никогаш не сум видел или искусил нешто од ова што го кажуваш“.

Дали вие сте биле во Дубаи? Каков впечаток ви остави?

Спирова С. | Црнобело