Чекајте барем 6 недели, користете лубриканти – Што треба да знаете за интимните односи по породување?

Штотуку сте донеле на свет нов живот, па нормално е да чувствувате промени, како физички, така и емоционално, па затоа, од особена важност е да го слушате вашето тело. 

Првите неколку месеци по породувањето се тешки. Покрај тоа што ви се менува целата рутина со хранење, менување пелени и многу непроспиени ноќи, телото ви доживува неверојатна промена.

Во такви мигови, интимните односи не ви се на врвот на листата на желби, а кога ќе се чувствувате целосно закрепнати и подготвени повторно да бидете интимни, постојат начини за повторно да се поврзете на подлабок начин со вашиот партнер.

Повеќето лекари препорачуваат да се чека шест недели по породувањето, за повторно да се впуштите во интимните води.

Очекувајте физички промени

Штотуку донесовте бебе на овој свет, па нормално е на вашето тело да му треба одредено време за да заздрави.

Како резултат на тоа, може да чувствувате некои физички непријатности за време на интимните односи, вклучувајќи:

• Вагинална болка
• Сувост на вагината, особено ако доите
• Болка во брадавиците
• Болки во грбот и зглобовите

Повеќето од овие проблеми ќе исчезнат самите од себе, но има некои работи што може да ги направите додека ви заздравува телото:

Користете лубриканти.

Сувоста на вагината е чест проблем кога вашите хормони се приспособуваат, па затоа, користете лубриканти.

Побарајте лубриканти на база на вода, бидејќи оние на база на масло може да го иритираат чувствителното ткиво.

Продолжете ја предиграта.

Дајте ѝ време на вашата вагина да произведе сопствено природно подмачкување.

Продолжете ја предиграта, обидете се со меѓусебна мастурбација или вклучете се во други активности кои ве возбудуваат вас и вашиот партнер.

Комуницирајте со вашиот партнер.

Интимните односи по бременоста се различни, но различноста може да биде возбудлива. Разговарајте со вашиот партнер за тоа што му е удобно, а што не.

Бидете трпеливи и имајте разбирање еден со друг. Искрената комуникација може да ви помогне да имате здрав и исполнет сексуален живот.

Практикувајте Кегелови вежби.

Вежбањето на мускулите може да ви помогне да ја вратите силата, а и да ви помогне со вообичаените проблеми по породувањето, како што е зголеменото мокрење.

Што треба да знаете пред да се одлучите да користите таблети за контрацепција?

Ако одлучите да користите таблети за контрацепција, тогаш треба да знаете како правилно да го користите секој метод, зашто ако ги користите погрешно може да не делуваат и повторно да забремените.

Исто така, ако го доите вашето бебе, имајте на ум дека некои видови контрацепција не се безбедни за употреба при доење, па затоа, пред да почнете да ги користите, важно е да разговарате за нив со вашиот лекар.

На крај, запаметете дека секој заздравува со различно темпо, затоа, слушајте го вашето тело.

Ако не сте подготвени за интимни односи ниту после 6 недели, без разлика дали физички или емоционално, бидете трпеливи со себе.

Разговарајте со вашиот партнер за вашите чувства и најдете други начини за да се поврзете. Гушкајте се, масирајте се или прошетајте сами.

М. Ѓ. | Црнобело / фото: freepik.com