Српски психолог е хит на Инстаграм - објасни зошто балканските мажи не се разведуваат од сопругите
Колкави се шансите мажот да се разведе од сопругата за да биде со љубовницата? „Полесно му е да остане во брак и да има љубовница. Ако нејќеш ти, ќе биде некоја друга“ - Ова е дел од одговорот што српски психолог ѝ го даде на една анонимна жена.
Постојат голем број жени кои го стекнале статусот „љубовница“ во животот на нечиј сопруг, но и покрај тоа што се заедно со години, тој не сака да се разведе и да го продолжи животот со другата жена. Зошто е тоа така?
Србинката Слаѓана Трикиќ е експерт за врски која на својот Инстаграм профил споделува совети за парови, а особено внимание привлече прашањето што до неа го упатила една читателка и одговорот што таа ѝ го даде.
„Јас сум му љубовница повеќе од 5 години. Тој ме сака, внимателен е, го наоѓа секој можен начин за да бидеме заедно...
Зошто едноставно не се разведе од сопругата?“ – прашува оваа анонимка жена.
Психологот, пак, издвои 4 главни причини заради кои, според неа балканските мажи одбиваат да се разведат и да бидат со љубовниците.
Кои се тие?
Децата
Според психологот, мажот се плаши дека нема да може да ги гледа своите деца и дека ќе ги влоши односите со нив.
„Тој се плаши дека бившата сопруга ќе ги сврти децата против него. Исто така може да постои страв дека нов маж во животот на неговата сопруга може да го заземе неговото место“ – вели таа.
Поделба на имотот
Втората причина, според психологот, се имотните прашања и тоа што мажот не сака да се откаже од парите и имотот за кои напорно работел целиот свој живот.
Желбата за промена е помала од желбата да се остане во зоната на комфорот
„Разводот со себе би повлекол толку многу промени во неговиот живот и тој едноставно не го сака тоа.
Целиот живот би му се превртел.
Полесно му е да остане во брак и да има љубовница. Ако нејќеш ти, ќе биде некоја друга“ – пишува психологот.
Одржување на угледот во општеството
Како четврта причина се наведува тоа што на мажите често им е важен угледот, мислењето на семејството, пријателите и работните партнери, па заради тоа мора да го одржи бракот за да ја одржи сликата на морална и одговорна личност.
„Заклучокот е дека шансите се многу мали дека мажот ќе се разведе заради љубовницата, па најдобро е да се заврши тој однос“ – порачува психологот.
Б. С. Б. | Црнобело
Би можело да ве интересира:
Препорачуваме
Најчитани неделава
