14 лесни вежби со кои ќе се ослободите од целулитот (видео)
За овие лесни вежби ќе ви требаат само 15 минути, а ако ги правите секојдневно, за брзо време ќе ја видите разликата и веќе нема да имате кожа како кора од портокал. Дали сте подготвени за вежбање?
Не мора да се подготвувате за на плажа па да почнете да вежбате, со цел да добиете убаво обликувано тело, без целулит и мазна кожа на нозете.
Овие вежби можете да ги правите дома, преку целата година.
Траат само 15 минути, едноставни се и ако не се откажете, за кратко време ќе ги видите резултатите - мазни нозе без кожа како кора од портокал.
Почнете уште денес!
Вежба 1: Чучнување со раширени нозе
Оваа вежба трае 50 секунди. Раширете ги нозете, стапалата нека ви бидат свртени нанадвор, а рацете ставете ги на половината.
Потоа чучнувајте и станувајте со исправен грб. Вежбата правете ја полека, без премногу брзање.
Издишувајте додека клекнувате, а вдишувајте кога ќе се исправате.
Вежба 2: Истегнување на тетивите
Спојте ги нозете и дланките спуштете ги на подот.
Свиткајте ги колената како да седнувате, а потоа исправете ги нозете и покренете го задникот колку што можете повеќе за да ги истегнете тетивите на нозете.
Ако не можете да ја правите вежбата со дланките спуштени на подот, придржувајте се со прстите. Вежбата трае 50 секунди.
Вежба 3: Удар со ногата наназад (десна)
Клекнете на колена, со рацете допирајте го подот.
Испружете ја десната нога наназад, како да удирате во нешто, па вратете ја во првобитната положба, без да го допрете подот. Правете ја вежбата 50 секунди.
Вежба 4: Удар со ногата наназад (лева)
Ова е продолжување на претходната вежба, со тоа што наместо со десната, сега вежбата ја повторувате 50 секунди со левата нога.
Вежба 5: Удар на страна (десна нога)
Додека сте во истата положба, кренете ја десната нога на страна и почнете да „удирате“ во воздух - испружете ја ногата, а потоа соберете го коленото.
Повторувајте ја вежбата 50 секунди.
Вежба 6: Удар на страна (лева нога)
И следната вежба трае 50 секунди, со тоа што, наместо со десната, страничните „удари“ во воздух ќе ги изведувате со левата нога.
Вежба 7: Хидрант за вода (десна нога)
И за оваа вежба сте во истата положба. Прво ја правите со десната нога - свиткајте го коленото, а потоа свитканата нога кренете ја во воздух.
Потоа полека спуштете ја надолу, да дојде во иста линија со левата нога, но без да го допрете подот. Повторувајте ја вежбата 50 секунди.
Продолжува на следната страница...
Би можело да ве интересира:
![](https://www.crnobelo.com/media/com_jvrelatives/images/thumbs/com_content_107303_400.jpg)
![](https://www.crnobelo.com/media/com_jvrelatives/images/thumbs/com_content_110563_400.jpg)
![](https://www.crnobelo.com/media/com_jvrelatives/images/thumbs/com_content_104020_400.jpg)
![](https://www.crnobelo.com/media/com_jvrelatives/images/thumbs/com_content_107802_400.jpg)
![](https://www.crnobelo.com/media/com_jvrelatives/images/thumbs/com_content_107693_400.jpg)
![](https://www.crnobelo.com/media/com_jvrelatives/images/thumbs/com_content_107726_400.jpg)