6 вежби кои ќе ви помогнат да се ослободите од салото на грбот и колковите

Замислете се во нешто тесно, кратко, секси и така мотивирајте се за да вежбате редовно за да го добиете телото од соништата, без сало на грбот и колковите.

Летото доаѓа забрзано, а вие мачите мака со салото на грбот и колковите.

Ако почнете да вежбате веднаш и редовно, постои реална шанса да ги намалите масните наслаги за брзо време и да можете да облечете тесна маичка, кратки панталончиња или бикини без да се срамите од „спојлерите“ и салото што виси и ви смета.

Ако покрај вежбањето почнете да внесувате повеќе салати и овошје, а да ги исфрлите слатките и тестенините, резултатите ќе бидат видливи за многу кратко време.

Затоа, замислете се во нешто тесно, кратко, секси и мотивирајте се за да вежбате редовно.

Неколку вежби кои ќе ви помогнат:

Скокови со кревање раце

За оваа вежба во требаат тегови од 3-4kg.

Застанете исправено и во двете раце земете по еден тег. Скокнете нагоре, раширете ги нозете на страна додека сте во воздух и кренете ги рацете над главата, па вратете се во почетната исправена положба.

Направете 3 серии по 20 повторувања или ако ви е полесно, на почетокот тоа нека бидат 4 серии по 15 повторувања.

Кревање на рацете и нозете од подот, со тегови

За оваа вежба вi требаат тегови од 3-4kg и подлога за вежбање.

Легнете на стомак, па испружете ги рацете и нозете. Земете по еден тег во двете раце (или ако ви е полесно, со двете раце држете еден тег), па во исто време одвојте ги рацете и нозете од подот.

Останете во оваа положба околу 3 секунди, па вратете се во почетната положба.

Повторете ја вежбата 10-12 пати.

„Стој на една нога“, со тегови

За оваа вежба во требаат тегови од 3-4kg.

Земете ги теговите во раце и застанете исправено, со споени нозе. Наведнете го телото нанапред, а едната нога испружете ја наназад (грбот нека ви биде исправен).

Раширете ги рацете на страна, а потоа вратете се во првобитната положба.

Направете ја вежбата 15 пати, а потоа сменете ја ногата, па направете ја уште 15 пати.

Кревање на рацете и нозете, додека лежите на грб

За оваа вежба во треба тег од 3-4kg и подлога за вежбање.

Легнете на грб. Фатете го тегот со двете раце.

Кренете ги и рацете и нозете нагоре и пробајте да ги допрете, а рамениците колку што можете повеќе одвојте ги од подот. Вратете се во првобитната положба.

Повторете ја вежбата 15 до 20 пати.

„Пропаѓање“ на столче

За оваа вежба ви треба столче или некоја цврста површина на која ќе можете да се потпрете.

Со грбот свртете се кон столчето. Потпрете ги рацете на самото столче, нека бидат во ширина на рамениците.

Свиткајте ги колената. Полека клекнувајте надолу (колку што можете повеќе), па вратете го телото во првобитната положба.

Направете 30 серии по 20 повторувања.

Ширење на рацете зад грбот, со тегови

За оваа вежба ви требаат тегови од 3-4kg.

Во секоја рака земете по еден тег. Застанете исправено, нозете подраширете ги во ширина на рамениците, а колената нека ви бидат благо свиткани.

Наведете го торзото малку нанапред, раширете ги рацете на страна, а лактите нека ви бидат малку свиткани. Останете во оваа положба 2 секунди, па вратете се во првобитната положба.

Направете 30 серии по 20 повторувања.

А. Ј. | Црнобело