5 лесни и ефикасни вежби за жени за кои не ви треба опрема (и може да ги правите секаде)

Овие вежби се идеални, бидејќи може да ги правите на кое било место, во кое било време - не ви треба никаква дополнителна опрема, специјална спортска облека, а и не одземаат многу време.

Понекогаш ви е тешко да се натерате да почнете да вежбате, иако знаете дека со тоа ќе го подобрите здравјето, а и ќе се чувствувате и ќе изгледате подобро.

Но, често немате волја, па се „вадите“ на тоа дека немате време, немате услови и слично.

Овие вежби се идеални, бидејќи може да ги правите во кое било време. За нив не ви треба никаква опрема, специјална спортска облека и не одземаат многу време.

Затоа, престанете да барате изговори (бидејќи ги нема) и почнете да вежбате:

Сумо

Застанете исправено и кренете ги рацете нагоре (како балерина).

Полека клекнувајте надолу, како да сакате да чучнете.

Рацете ставете ги над колената и притискајте надолу (како на илустрацијата).

Останете во оваа положба 15 секунди, па вратете се во првобитната положба.

За оваа вежба ќе ви бидат доволно 15 повторувања.

Буда

Застанете исправено, дланките спојте ги како да се молите, па полека спуштајте го телото надолу, како да правите плитки чучнувања.

Ако ја правите вежбата правилно, ќе почувствувате напнатост во грбот и во рацете.

Оваа вежба помага да имате рамно и правилно држење на телото.

Притоа, внимавајте да не ја спуштате главата надолу, туку да ви стои исправена цело време, а и грбот мора да ви е исправен додека клекнувате и се враќате во првобитната положба.

Повторете ја оваа вежба 30 пати.

Коњ

Раширете ги нозете колку што можете повеќе, стапалата свртете ги нанадвор и клекнете.

Раширете ги рацете и истегнете ги на страна колку што можете (како на илустрацијата).

Останете во оваа положба 5 секунди, па исправете се.

Повторете ја вежбата 15 пати.

Балет

Најдете нешто на што ќе се потпрете - наслонувачот на столчето може да биде идеален за оваа вежба (или работ на масата).

Поставете го телото во истата положба како на крајот на претходната вежба - клекнати со раширени нозе и стапала свртени нанадвор.

Додека се држите за наслонувачот, полека почнете да го кревате телото нагоре, па кога ќе исправите, едната нога кренете ја на страна.

Треба да почувствувате затегнување во внатрешниот дел на бутините.

Повторете ја вежбата 10 пати со едната нога, а потоа направете ја уште 10 пати со другата нога.

Жица

Потпрете ги рацете на маса или на задниот дел на столчето.

Кренете се на прсти.

Телото нека ви биде исправено и стегнато (како кога би правеле планк, но во стоечка положба).

Останете вака 1 минута.

А. Ј. | Црнобело