Спонзорирано од:
Спонзорирано од ОгласиЗаРабота.мк


Студенти убиле момче во 1924-та за да докажат дека имаат супериорна интелигенција – морничавата приказна за „совршеното“ злосторство на Леополд и Лоб

Во 1920-тите, Леополд и Лоб од Чикаго убиле 14-годишно момче. Тие верувале дека поради нивната „супериорна интелигенција“, полицијата никогаш нема да ги фати, односно дека убиството ќе биде совршено злосторство. Но, само неколку денови подоцна, тие биле уапсени. 

studenti-ubile-momche-14-za-da-dokazhat-deka-imaat-superiorna-inteligencija-mornichavata-prikazna-za-sovrshenoto-zlostorstvo-na-leopold-i-lob-01.jpg

Леополд и Лоб биле студенти на Универзитетот во Чикаго кои сметале дека нивната интелигенција е супериорна.

Поради ова, тие биле убедени дека се над законот и дека можат да вршат злодела, како кражби, па дури и да извршат убиство без никој да ги фати.

Леополд и Лоб решиле да го извршат совршеното злосторство и убиле 14-годишно момче, а притоа смислиле план како да ги прикријат нивните траги и да збунат детективите за никогаш да не сфатат дека тие се виновни за убиството.

Но, „супериорниот интелект“ не бил доволен, па Леополд и Лоб сепак биле фатени.

studenti-ubile-momche-14-za-da-dokazhat-deka-imaat-superiorna-inteligencija-mornichavata-prikazna-za-sovrshenoto-zlostorstvo-na-leopold-i-lob-05.jpgЛоб (лево) и Леополд (десно)

Нејтан Леополд бил роден во 1904 година во Чикаго. Неговото семејство било богато, а тој бил прогласен за „чудо од дете“ бидејќи почнал да зборува на само 4-месечна возраст.

Студирал на Универзитетот во Чикаго, а планирал да продолжи со образованието на Харвард.

Наводно, тој изучувал 15 јазици, а тврдел дека може да зборува пет.

studenti-ubile-momche-14-za-da-dokazhat-deka-imaat-superiorna-inteligencija-mornichavata-prikazna-za-sovrshenoto-zlostorstvo-na-leopold-i-lob-10.jpgНејтан Леополд

Ричард Лоб исто така бил роден во Чикаго, но во 1905 година. И тој потекнувал од богато семејство и уште од најрана возраст покажувал знаци на голема интелигенција.

Всушност, тој прескокнал неколку одделенија во основно и дипломирал на Универзитетот во Мичиген на само 17 години.

Потоа и тој се запишал на Универзитетот во Чикаго.

studenti-ubile-momche-14-za-da-dokazhat-deka-imaat-superiorna-inteligencija-mornichavata-prikazna-za-sovrshenoto-zlostorstvo-na-leopold-i-lob-07.jpgРичард Лоб

Леополд и Лоб се познавале уште во детството, но почнале да се дружат во средината на 1920-тите.

Најмногу се зближиле откако и двајцата се запишале на истиот универзитет и сфатиле дека имаат слични интереси, како криминал.

За себе Леополд мислел дека е извонредна личност со големи способности која се издигнува над законот и правилата што важат за „обичните“ луѓе.

Тој верувал дека ова се должи на неговата интелигенција, како и дека ова му дава право да прави што сака, без да сноси последици.

Леополд го имал истото мислење и за Лоб.

Набрзо двајцата студенти почнале да се вклучуваат во криминални активности, како крадење и подметнување пожар.

Но, биле разочарани бидејќи медиумите не ги покривале нивните злодела, па решиле да направат уште поголемо злосторство и да си докажат дека навистина се супериорни над сите останати луѓе.

studenti-ubile-momche-14-za-da-dokazhat-deka-imaat-superiorna-inteligencija-mornichavata-prikazna-za-sovrshenoto-zlostorstvo-na-leopold-i-lob-11.jpgЛеополд (лево) и Лоб (десно)

Кога Леополд имал 19, а Лоб 18 години, тие се договориле да го извршат совршеното злосторство.

Совршено злосторство е термин што се користи за каков било криминален случај кој не може да се реши. Односно, не постои никаква можност да се појават докази или што било што ќе го решат случајот.

Сепак, некои сметаат дека за злосторството да биде совршено, јавноста и властите не треба ни да дознаат за него.

Што значи, можеби некои криминалци имаат извршено совршено криминално дело, но ние, вклучувајќи ги и детективите и полицијата, никогаш нема да дознаеме за тоа.

Леополд и Лоб сакале да извршат токму вакво злосторство и решиле да убијат 14-годишно момче.

studenti-ubile-momche-14-za-da-dokazhat-deka-imaat-superiorna-inteligencija-mornichavata-prikazna-za-sovrshenoto-zlostorstvo-na-leopold-i-lob-02.jpgБоби Френкс - 14-годишната жртва на Леополд и Лоб

Продолжува на следната страница...



Би можело да ве интересира:

Луѓе кои преживеале фатални авионски несреќи – Американец двапати ѝ „избегал“ на смртта Кога авионот почнал да паѓа, Анет изгубила свест. Следното нешто на коешто се се...
„Се вљубив во маж онлајн – братучетка ми се криела зад профилот“: Детали за најдолгата интернет изма... Кират Аси од Лондон девет години мислела дека е во врска со доктор кој го запозн...
10 работи што денес ни се смешни, а биле сосема нормални во минатото (фото) Во 1920-тите биле измислени здолништа за капење, но, многумина сметале дека овие...
Дете кое исчезнало од училиштен двор и уште 3 нерешени мистерии од кои ќе ве полазат морници Хедер Тиг била грабната од плажа покрај река во САД, но и покрај очевидецот, до ...
Родила 2 деца од мажот што ја киднапирал, ја нашле по 18 години: „Украдениот живот“ на Џејси Дугард Цели 18 години Џејси Дугард од САД ги поминала во заробеништво – била чувана во ...
Луѓе кои биле нападнати од сериски убијци и се спасиле Тед Банди е еден од најпознатите сериски убијци одговорен за смртта на над 30 же...

Најчитани неделава

sonovnik-sidebar.jpg