Љубовните афери кои британското кралско семејство сака да ги заборавиме

Аферата на принцот Ендру со актерка од еротски филм, но и двете афери на принцезата Дијана – Прочитајте повеќе за дел од скандалите со неверства во британското кралско семејство.

Среде целата драма со исчезнувањето на Кејт Мидлтон, јавноста почна да се присетува и на наводната афера на принцот Вилијам со британскиот модел Роуз Хенбери.

Додека Кејт и Вилијам (и покрај гласините) важат за совршен кралски пар, факт е дека неверствата не се нешто непознато во кралското семејство.

Напротив, денес кралот Чарлс седи на тронот со некогашната љубовница покрај себе, која сега му е и сопруга.

Кои се аферите од поновата историја, кои кралското семејство сака да ги заборавиме?

Аферите на принцезата Ана

Добро познат факт е дека бракот на принцезата Ана – единствената ќерка на Елизабета и Филип – бил далеку од среќен.

Таа се венча со капетанот Марк Филипс во 1973 година, но наводно имале целосно одвоени животи.

А, и двајцата се изневерувале пред конечно да се разведат во 1992-ра.

Парот има две деца, Питер и Зара, но во 1985-та Марк добил и вонбрачно дете од аферата со учителка од Нов Зеланд.

Во 1991-ва бил направен ДНК тест со кој се потврдило ова, па Марк и принцезата се разведоа набрзо потоа.

А, речиси веднаш по разводот, принцезата Ана се венча со Тимоти Лоренс, нејзиниот сегашен сопруг.

Аферите на принцот Ендру

Ако ја игнорираме мистеријата со Кејт, како и заминувањето на Хари и Меган, може да се каже дека принцот Ендру е најскандалозниот член на кралското семејство.

Вториот (и наводно омилен) син на кралицата Елизабета, го поврзуваа со педофилот Џефри Епштајн, а обвинет е и за сексуален напад на малолетничка, поради што мајка му му ги одзеде сите титули.

Во 1980-тите, принцот се гледаше со актерка по име Ку Старк, која беше најпозната по еротски филм.

Нивната врска беше критикувана и од семејството и од јавноста, па наскоро се разделија.

Во 1986 година, принцот се венча со Сара Фергусон и наводно воопшто не ѝ бил верен.

Според Сара, во првите пет години од бракот, тие се гледале само 40 дена годишно бидејќи Ендру постојано бил отсутен и наводно имал неколку афери.

Неверството на Сара Фергусон

Но, ни Сара не му била верна на принцот – таа имаше афера со богаташот Стив Вајат.

Во 1992 година, во британските медиуми се појавија фотки од Сара и милионерот, по што таа и принцот се разделија.

Но, кратко по разделбата, се дозна и за друга афера, повторно благодарение на фотки.

Во фотографиите објавени во британските медиуми се гледа Сара со бизнисменот Џон Брајан кој ѝ ги бакнува стапалата.

Иако ни Ендру не бил верен, британските медиуми до денес се шегуваат на сметка на Сара и фотографиите со бизнисменот.

Продолжува на следната страница...