Бурниот љубовен живот на Пикасо – имал стотици девојки, не бил верен на ниту една
Две негови љубовници си го одзеле животот, а две добиле нервен слом. На ниту една жена не ѝ бил верен, а најлошо поминала таа која најмногу ја сакал.
Легендарниот сликар Пабло Пикасо е создавач на најценетите уметнички дела, а деталите од неговиот приватен живот и денес ја изненадуваат јавноста.
Создал околу 13.000 уметнички слики и над 300.000 други уметнички дела, како скулптури и гравури - повеќе од кој било друг уметник во историјата.
Неговата пасија кон уметноста единствено се рамнела со сексуалната енергија која ја имал.
Неколку детали за животот и бројните љубовници на Пикасо:
Татко му го научил да оди во јавни куќи
Роден е во 1881 година во Малага, Шпанија.
Неговиот татко, Дон Хосе Руиз, уметник и учител по уметност, секоја недела после миса одел во јавна куќа.
И, младиот Пабло го следел неговиот пример - првпат имал секс на само 13 години во јавна куќа.
Пријателот му се самоубил откако Пикасо спиел со неговата девојка
Неговиот талент за уметност бил очигледен уште додека бил мал.
По завршувањето на уметничката школа во Мадрид, заминал во Париз во 1900-та, на 19-годишна возраст, со двајца другари сликари.
Едниот од нив се вљубил во девојка по име Жермен, но бидејќи бил импотентен, не можел да ја исполни својата љубов.
Откако дознал дека Пикасо спиел со неговата Жермен, тој си го одзел животот.
Важел за голем заводник и правел сѐ за да ја освои секоја дама што му се допаѓала
Ниту во поодминатата старост не престанувал да им се додворува на помладите девојки, иако бил оженет.
Генијалниот уметник, всушност, бил непоправлив шармер, иако неговата техника на заведување била во најмала рака „невообичаена“.
И во осмата деценија од животот неговиот сексуален апетит бил незапирлив
Кога ќе бил заинтересиран за убава млада девојка, ѝ подарувал златна фигура на маж со огромен пенис.
Тоа било знак дека сакал да има секс со неа.
Освен тоа, на дамите им давал подароци, не грижејќи се за својата сопруга Жаклин, на која дури ѝ забранувал да влезе дома додека спиел со некоја љубовница.
Имал сексистички став кон жените
На моменти бил љубезен и чувствителен, а на моменти бил доминантен и се однесувал како тиранин.
Не можел да поднесе да биде без женски сопатник, а идеално за него било кога имал неколку љубовници во исто време.
Важно му било љубовниците да бидат покорни и пониски од него.
Низ животот имал осум долгогодишни врски со жени кои ги нарекувал свои музи.
Две од нив доживеале нервен слом, а две си го одзеле животот.
Пикасо е моминското презиме на неговата мајка
Les Demoiselles d’Avignon, неговата позната слика со 5 голи проститутки, често се наведува како доказ за неговиот презир кон спротивниот пол.
Сепак, ја обожавал својата мајка и затоа го зел нејзиното презиме Пикасо.
Со балерината Олга Коклова добил син кој го крстил Паоло
Пабло го обожавал својот син и во периодот кога Паоло бил бебе, насликал низа нежни дела со мајки и бебиња.
Но, и ова блаженство кратко траело.
Марија Тереза Валтер бил неговата најголема љубов
Марија Тереза му станала љубовница кога имала само 17 години.
Освен со неговата втора жена, љубовта со Марија Тереза најдолго му траела, бидејќи била интелигентна, но сепак му се покорувала.
Со неа ја добил ќерката Маја.
Со студентката по право Франсоа Жило, сликарот добил уште две деца - синот Клод и ќерката Палома.
Пред крајот на животот живеел во самотија, а неговите пријатели за тоа ја обвинувале 27-годишната Жаклин Рок, која имала егзотичен изглед.
Таа им забранила неговите деца и внуци од претходните жени да доаѓаат дома кај него.
На неговиот гроб била поставена статуа од неговата најголема љубов
На 85-годишна возраст му се јавиле проблеми со простата, а починал во април 1973 година со Жаклин покрај него.
На неговиот гроб била поставена статуа од Марија Тереза, која 4 години по неговата смрт се обесила не можејќи да го поднесе животот без него.
С. Ш. | Црнобело
Би можело да ве интересира:
Препорачуваме
Најчитани неделава
