Се породи Едина Муса - на бебето му даде име со моќно значење

Детали

среда, 19 февруари 2025

Едина Муса и Александар Димитровски - Мачка станаа родители на момче, а на синот му дадоа име со моќно значење.

Поранешната кошаркарка и фитнес тренер, Едина Муса, денес (19.02) стана мајка. 

Таа се породи на Државната клиника во Скопје.

Едина роди син, за кого со сопругот Александар Димитровски - Мачка, го избраа името Максим.

Името е со латинско потекло (Maximus), а значи „голем, велик“.

Името и полот на бебето тие ги открија брзо откако Едина го покажа трудничкото стомаче и откри дека е бремена.

Парот не направи забава за откривање на полот, туку Едина објави фотка на Инстаграм, на која седи на фризер, па напиша: „Мајка му на Максим“.

Дека станала мајка, Едина откри преку Инстаграм Стори, каде што сподели неколку честитки од своите другарки, меѓу кои и Ирина Камилоска и Ангела Спасевска.

„Мојата најубава, најслатка и најневеројатна пријателка штотуку го роди нашиот нов најдобар пријател Максим. Добредојде малечко“ - напиша Ирина во својата порака.

Во интервју за CRNOBELO.com, кое го даде брзо пред породувањето, таа кажа дека за бебето имале три имиња, додека Максим им се допаднало најмногу на двајцата.

До пред самото породување, Едина беше активна трудница, па вежбаше скоро до крајот на бременоста, но со помал интензитет и со помали тежини отколку вообичаено.

Прочитајте и Едина Муса за CRNOBELO: „Александар беше повозбуден што носам син, качив 13kg во бременоста“

А. Ј. | Црнобело