Ивона Јо го покажа рамниот стомак по операцијата со која отстрани 11kg кожа и масти (фото)

Детали

петок, 21 февруари 2025

На првите фотографии кои Ивона ги направи откако отстрани 11kg кожа и масти од стомакот, се гледа нејзиниот рамен стомак, но и дел од лузните кои веќе заздравуваат.

Ивона Јо, која кон крајот на јануари во Турција направи операција за отстранување на вишокот кожа и масти, ги објави првите фотографии од своето „ново“ тело.

Пејачката сподели неколку фотки на кои се гледа нејзиниот рамен стомак, без вишокот кожа, по некоја стрија, но и лузните кои веќе заздравуваат.

„Вчера собрав сила да се сликам првпат постоперативно. Ги имам фотките... Дали да ги објавам?“ праша Ивона на Инстаграм Стори.

Поттикната од позитивната реакција на своите пријатели и следбеници, таа објави неколку фотографии, кои ги направи Мартин Трајановски.

„2025. Годината кога првиот ланец од оковите кои ми тежеа го пресеков и се ослободив.
На жената што бев - те сакам
На жената која сум - се гордеам со тебе душо
На жената која ќе бидам - ти се радувам“, напиша таа.

Ивона се заблагодари и на својот доктор, Емрах Аслан, за кого вели дека ѝ го сменил животот со операцијата, а му се обрати и на тренерот и рече дека наскоро се враќа во теретана.

Пејачката доби многу пофалби и за изгледот и за храброста, а меѓу оние кои ѝ оставија коментар е и Калиопи.

„Браво девојче убаво“, ѝ напиша поп-дивата. 

Погледнете ги фотографиите:

Прочитајте и Ивона Јо закрепнува по операцијата во Турција: „Отстранети се 11kg кожа и масти“

А. Ј. | Црнобело