Учителка ги вежба дечињата во градинка во Кина како да избегаат при пожар (видео)

Детали

понеделник, 24 март 2025

Со импровизација на пожар со чад и сирена, учителка во Кина обучува деца во градинка како да се однесуваат во случај на пожар. Практични вештини, какви што треба да се учат во секоја градинка и училиште, зарем не?

Дека пристапот на Кинезите кон образованието е поинаков ни е јасно одамна.

Тие се фокусирани на тоа да ги учат децата на практични вештини, односно ги учат како да се снајдат во различни животни ситуации.

На едно видео кое одамна се споделува на социјалните мрежи, како позитивен пример, се гледа како дечиња во градинка во Кина вежбаат што треба да направат при пожар и како треба да се спасат себеси.

Со дел од нивната опрема (крпчињата) на устата, полека и внимателно тие ја напуштаат просторијата, за која нивната учителка им рекла да се однесуваат како наводно да избил пожар во неа.

Прочитајте и Во Финска учење низ песна, во Кина со строги казни: Како изгледа образованието низ светот?

И македонските твитерџии го споделуваат ова видео.

Погледнете го видеото:

Прочитајте и Има два клима уреди во секоја училница - Како изгледаат кинеските државни училишта?

С. С. | Црнобело