Еруптираше вулкан на Бали - исфрли пепел во висина од 8km, повредено е едно лице и откажани се летови

Детали

петок, 21 март 2025

Истиот овој вулкан еруптираше и минатата година, кога ги облеа околните села со врели камења и лава, а тогаш загинаа 9 лица.

Бали, една од омилените дестинации и на Македонците, се наоѓа на таканаречениот „огнен прстен“, подрачје на кое има многу сеизмички активности, но и скоро 130 активни вулкани.

Еден од нив, вулканот Левотоби Лаки-лаки, еруптираше ноќеска, по што исфрли облаци од пепел високи 8km, открија локалните власти.

Ерупцијата на вулканот се случи по десетина помали ерупции кои почнаа на 13 март.

Националната геолошка агенција предупредува на нови „поплави“ од лава.

Тие потврдиле дека при првата евакуација на населението, е повредено едно лице.

Засега не се знае точно колку луѓе ќе мора да ги напуштат своите домови, за да ја избегнат опасноста која следува - и поради можноста за нова ерупција и поради воздухот кој е преполн со пепел исфрлен од вулканот.

Како резултат на високиот облак од пепел, неколку авиокомпании веќе ги откажаа своите летови за Бали, иако локалниот аеродром, барем за сега, е отворен.

На Твитер се споделуваат фотографии и видеа од ерупцијата на вулканот, а некои од нив велат и дека исфрлениот пепел бил цели 16,2km над морското дно.

Истиот овој вулкан еруптираше и минатата година, кога ги облеа околните села со врели камења и лава, а тогаш загинаа 9 лица.

А. Ј. | Црнобело