Бизарна прослава за откривање на пол на бебе: Родителите и гостите речиси се задушија со чад, го евакуираа домот (видео)

Детали

вторник, 28 јануари 2025

Пар одлучил да користи сув мраз за откривање на полот на нивното дете, и тоа внатре, во нивниот дом. Но, чадот од сувиот мраз брзо ја исполнил куќата, па тие и гостите морале да се евакуираат. За среќа, реагирале навреме, па никој не вдишал од чадот.

Забавите за откривање на полот сè уште се хит и додека некои парови избираат нешто едноставно, како торта со розова или сина внатрешност, постојат и оние кои одат до екстреми.

А, доста често ваквите прослави завршуваат и со инцидент.

Жена од Англија и нејзиниот сопруг решиле да го откријат полот на бебето користејќи таканаречен сув мраз.

Сувиот мраз е всушност јаглероден диоксид во цврста агрегатна состојба и иако се смета за релативно безбеден, доколку е во затворен простор и во многу големо количество, може да биде опасен.

Англичанката Ејми Хамер и сопругот одлучиле да го споделат видеото од откривањето на полот како предупредување:

„Ова е знак да НЕ користите сув мраз за откривање на полот внатре во вашиот дом“, пишува на видеото кое има скоро шест милиони прегледи на ТикТок.

На видеото се гледа парот кој стои пред сад со сув мраз, од кој почнува да излегува розов чад.

Иако на почетокот делуваат среќно бидејќи ќе имаат ќерка, одеднаш сфаќаат дека чадот почнува да ја исполнува целата просторија.

Па, и тие и гостите мораат да се евакуираат.

Иако во Англија се продава сув мраз за откривање пол, обично на упатството е нагласено да се користи на отворено.

Идната мајка ја исклучила опцијата за коментирање на видеото, но парот е критикуван на другите социјални мрежи каде што се споделува нивната прослава.

„Мојот партнер е магистриран хемичар и секогаш е скептичен за луѓе кои користат работи за коишто не знаат ништо. Сувиот мраз може да биде опасен и досега бил причина за смрт поради вдишување“.

„Не ми е јасна опсесијата со овие прослави“.

„Мислам дека ваквите прослави се само за привлекување внимание“.

„Искрено, освен на родителите и бабата и дедото, на никој не му е гајле кој пол е бебето“.

„Зарем сувиот мраз не треба да се користи надвор?“

Погледнете го видеото:

@amyhamer_

Read the instructions 😬 @A.Rayner #genderreveal #dryicegenderreveal #genderrevealparty #fyp

♬ original sound - Amy Hamer

Спирова С. | Црнобело