Младите девојки се облекуваат речиси идентично - вирална фотографија предизвика лавина реакции

Детали

вторник, 26 ноември 2024

Ако погледнете фотографија од некој клас од средно училиште во Македонија, ќе видите дека сите девојки како да се облечени исто – во светли широки фармерки и монохроматски топови. Таква е ситуацијата и во светот. Кој е вашиот став – слепо следење на модни трендови или личен печат?

Фотографија од 9 девојки, облечени речиси идентично, стана вирален хит, а луѓе на социјалните мрежи коментираат дали младината воопшто има изградено свој моден стил и има некаков личен печат.

На фотографијата, направена во странство, сите девојки се облечени во светли фармерки и обични црни или сиви маички, а ова е редовна практика и кај нас во Македонија.

Дел од коментарите за фотографијата се:

„Модната инспирација од ТикТок очигледно е голем фактор врз младите, сите се речиси идентично облечени“.

„На фотографијава навистина има недостиг на индивидуалност и постои силна тенденција на следење трендови, кои се актуелни меѓу младата генерација“.

„Еднаш ја земав ќерка ми од средното училиште каде што учи и не можев да си поверувам на очите - речиси сите девојки беа облечени идентично“.

Слепо следење на трендови или свој личен печат врз стајлинзите? Кој е вашиот став?

фото: Твитер

С. С. | Црнобело