Бурниот љубовен живот на Ивана, поранешната сопруга на Доналд Трамп: Брак за државјанство, 23 години помлад сопруг

Детали

четврток, 07 ноември 2024

Доналд Трамп е само еден од четирите сопрузи на Ивана Трамп. Таа беше во брак со многу помлад италијански актер, а со првиот сопруг се венчала само за да добие австриско државјанство.

Ивана Трамп ќе остане запаметена како поранешна сопруга на Доналд Трамп и мајка на три од неговите деца.

Но, Доналд е само еден од четирите мажи со кои Ивана била во брак.

По четири разводи, во 2017 година Ивана изјави дека веќе не планира да се венча и дека раскрстила со романтични врски.

Наместо тоа, сакала да се фокусира на нејзините внуци.

Ивана, која почина во 2022 година, дефинитивно имала бурен живот, но уште повеќе внимание привлекуваа нејзините љубовни врски.

Неколку детали за четирите пропаднати бракови на Ивана:

Алфред Винклмејр

Првиот сопруг на Ивана бил Австриецот Алфред Винклмејр.

Тие се венчале во Прага, во 1971-ва, кога Ивана имала 22 години.

Алфред бил инструктор по скијање, па и така се запознале - Ивана била професионален скијач во Чехословачка.

Сепак, две години подоцна се развеле, а адвокатот на Ивана го опишал бракот како „студена војна“ бидејќи никогаш немале односи и не ни живееле заедно.

Наводно, Ивана се венчала со него за полесно да допре до австриско државјанство за да може да си замине од тогашна Чехословачка.

Во 1972-ра, таа добила австриски пасош, се преселила во Канада и следната година го поништила бракот.

Доналд Трамп

Доналд Трамп останува најпознатиот сопруг на Ивана.

Додека за неа ова бил вториот брак, Ивана е првата сопруга на Доналд.

Тие се запознале во Њујорк во 1976-та, кога Ивана имала 26 години и работела како модел.

Тој период таа живеела во Монтреал, но била на патување во САД.

Според нејзина изјава, Доналд ѝ помогнал со другарките да најде маса во елитниот ресторан каде што се запознале, а на крај им ја платил и вечерата.

Тие се венчаа во 1977 година, а кон крајот на истата година го добија синот Доналд Трамп Џуниор.

Во 1981-ва ја добија ќерката Иванка Трамп, а во 1984-та – синот Ерик Трамп.

До 1988 година, Ивана доби и американско државјанство.

Околу 15 години по свадбата, Ивана дозна дека Доналд имал афера со Марла Мејплс – жената со која ја доби Тифани Трамп, а подоцна и се венча.

Од разводот, Ивана доби 14 милиони долари, алиментација од 650.000 долари месечно, куќа и стан, како и можност да го користи популарниот имот на Трамп – Мар-а-лаго – еден месец годишно.

Иако подоцна го подобри односот со Доналд, Ивана изјави дека никогаш не ѝ простила на Марла, дури и откако Доналд се разведе од неа.

„Ми го растури бракот. Никогаш нема да го прифатам нејзиното извинување. Но, немам никаков проблем со Меланија“.

Рикардо Мацучели

Две-три години по разводот со Доналд, Ивана почна врска со италијанскиот бизнисмен Рикардо Мацучели.

Тие се венчаа во 1995-та, а наводно Рикардо ја запросил и претходно, со 10-каратен дијамантски прстен, но таа го одбила.

Вториот пат прифатила, пa беа заедно околу две години.

По разводот, Рикардо изјави:

„Многу ја сакав Ивана и го давав најдоброто од себе за неа. Направив за неа повеќе отколку Трамп“.

Една година подоцна, Ивана го тужеше Рикардо бидејќи го прекршил договорот и откривал приватни детали за нивниот брак.

Тoј, пак, ѝ одговори со тужба за нарушување на неговата репутација.

Двајцата направија спогодба надвор од судница, и деталите не се познати за јавноста.

Росано Рубиконди

Бракот на Росано и Ивана привлекуваше многу внимание, најмногу бидејќи тој беше 24 години помлад од неа.

Се венчаа во 2008-ма, кога Ивана имаше скоро 60, а Росано 36 години, и тоа на имотот на Доналд Трамп.

Нивниот брак беше далеку од конвенционален бидејќи постојано се разделуваа, па се смируваа, во период од една деценија.

По разделбата, Ивана изјави:

„На нашата врска, едноставно, ѝ помина рокот. Росано минуваше многу време во Италија, а јас во Њујорк, Мајами и Сен Тропе…

Врската на далечина баш и не функционира. Ни беше убаво и сега сме пријатели“.

Росано почина една година пред Ивана, на само 49-годишна возраст.

Прочитајте повеќе: Беше во брак со 24 години помлад маж, му помогна на Трамп да ја изгради империјата – Факти за Ивана Трамп која почина на 73 години

Спирова С. | Црнобело