Шевченко во Реал Мадрид ?

Детали

понеделник, 17 ноември 2008

Реал Мадрид пројавува сериозен интерес кон Андреј Шевченко откако по повредата на Руд Ван Нистелрој се во сериозна потрага по напаѓач. Украинецот...

 

...е добра варијанта бидејќи може да учествува и во Лигата на шампионите, a натпреварите со Милан во Купот на УЕФА не претставуваат никаква пречка.

Кај "росоњерите" украинецот исто така ретко влегува во игра, што може да го натера да ја прифати евентуалната понуда од Мадрид. А и очекуваното доаѓање на Дејвид Бекам во јануари во клубот, иако на позајмица, може да го форсира напуштањето на Шева.

Весникот „Марка“ во најновиот број донесува текст во кој се вели дека Адријано Галијани и Предраг Мијатовиќ се добри пријатели и би можел да му го понуди Шевченко, кој и онака не е во плановите на Анчелоти. Украинецот не се наоѓа во добра форма, но реално и не добива многу шанса да се докаже.

Шпанските новинари сметаат дека Шевченко и не би бил лоша инвестиција за играч до крајот на сезоната, ако се знае дека во тимот се очекува да се вратат уште неколкумина повредени. Останува да се почекаат разговорите на двете страни.