Македонските ракометари на прием кај американската амбасадорка со претседателот на РФМ Мукаетов и селекторот Лазаров

Детали

среда, 19 февруари 2025

Македонските ракометари, заедно со претседателот на Ракометната федерација на Македонија, г-дин Живко Мукаетов и селекторот г-дин Кирил Лазаров, беа во посета на амбасадата на САД. 

На покана на американската амбасадорка г-ѓа Ангела Агелер, нашиот машки сениорски национален ракометен тим, предводен од раководството, беше на свечен прием во амбасадата на САД. 

За време на посетата, претседателот на РФМ г-дин Живко Мукаетов и селекторот на репрезентацијата, Кирил Лазаров, ѝ подарија на амбасадорката македонски дрес со нејзиното име и топка рачно потпишана од нашите ракометари кои беа дел од Светското првенство. 

Со ова тие се заблагодарија за поддршката која ја добиваат од Амбасадата на САД, а на официјалнта страница објавија неколку фотографии од приемот и напишаа:

„Денес на покана на Амбасадорот на Соединетите Американски Држави, нејзината екселенција г-ѓа Ангела Агелер , беше одржан прием за машкиот сениорски национален ракометен тим.

Во рамки на посетата Претседателот на РФМ г-дин Живко Мукаетов и Селекторот г-дин Кирил Лазаров и подарија македонски дрес и топка своерачно потпишана од сите ракометари кои учествуваа на Светското Првенство 2025 .

РФМ упатува голема благодарност за приемот и подршката која ја добива до Амбасадата на Соединетите Американски Држави“.

/?rdid=Z3lya9RZh2ySA7A0#

фото: РФМ