Скандал со допинг, љубовен триаголник со Серена Вилијамс: Каде исчезна Марија Шарапова и што прави денес?

Детали

вторник, 08 април 2025

Марија Шарапова се држи настрана од јавност, но неделава се појави на церемонија во Холивуд. Русата коса ја заменила со својата природна боја, а најмногу внимание привлече нејзината висина. Кариерата на тенисерката ја одбележаа бројни успеси, но и 15-месечна суспензија поради допинг.

Откако ја заврши тениската кариера, Марија Шарапова главно се држи настрана од јавност.

Марија соопшти дека ќе се пензионира пред пет години и оттогаш е реткост да ја видиме некаде.

Но, во понеделникот (07.04) поранешната тенисерка присуствуваше на церемонија за поставување ѕвезда на Булеварот на славните.

Церемонијата беше за нејзината колешка – тениската икона Били Џин Кинг.

37-годишната Марија е со целосно променет имиџ и наместо руса коса, сега ја носи својата природна.

Сепак, она што привлече најмногу внимание на церемонијата е нејзината висина.

На фотографиите од церемонијата, Марија е значително повисока од сите присутни.

Единствено повисок е тенисерот Меџик Џонсон, но и тој не ѝ „бега“ за многу.

Некогашната тенисерка носи и штикли, но нејзината висина од 188 сантиметри сепак е очигледна.

Иако денес главно се држи настрана од јавност, низ годините и Марија се соочуваше со по некој скандал.

Што се случуваше со тенисерката и што прави денес?

Марија ја почнала тениската кариера благодарение на татко ѝ.

Дел од детството поминала во рускиот град Сочи, но на 6-годишна возраст татко ѝ ја однел во Флорида за да тренира тенис.

Неговата желба била да ја претвори во тениска ѕвезда и бил мошне строг – ја терал да тренира секој ден и никако не ѝ дозволувал да покаже слабост, без разлика колку тешки биле тренинзите.

„Татко ми веруваше дека дисциплината и строгоста ќе ме направат посилна, и можеби ме направија. Но, понекогаш посакував само да ми биде татко“, има изјавено Марија.

Тој бил толку строг што не ѝ дозволувал ни да прослави роденден.

Татко ѝ продолжил да ја тренира и откако професионално почнала да се занимава со тенис.

Високите очекувања од татко ѝ ѝ создале вид нарушување во исхраната, па на врвот на кариерата, Марија јадела само двопек и протеински шејк кога се натпреварувала.

Тоа што само на 17-годишна возраст победи на Вимблдон дополнително ѝ создавало притисок.

Но, Марија се соочи со скандал во 2016-та, кој резултираше со суспензија.

Продолжува на следната страница...