Скандал со допинг, љубовен триаголник со Серена Вилијамс: Каде исчезна Марија Шарапова и што прави денес?

Пред да се натпреварува на Australian Open, Марија беше обвинета за допинг – користела супстанца, односно лек кој бил забранет на почетокот на годината.

Лекот се користел за проблеми со срцето, дијабетес и ниско ниво на енергија, но бил забранет бидејќи помагал со издржливоста.

Наводно, Марија го земала неколку години, во период кога не бил забранет.

Првично Марија беше суспендирана две години. Но, бидејќи лекот бил забранет неодамна, суспензијата ѝ беше намалена на 15 месеци.

Во меѓувреме, Марија беше во заладен однос со колешката Серена Вилијамс, и тоа уште од нејзината прва победа на Вимблдон.

Тогаш Марија ја победи Серена која лошо се справила со загубата.

Низ годините, двете тениски ѕвезди суптилно се критикуваа на интервјуа, а подоцна се дозна дека веројатно биле вплеткани и во љубовен триаголник.

Во 2013-та, Марија почна врска со Григор Димитров – бугарски тенисер кој претходно се гледал со Серена.

Марија како да откри дека причината за нивниот конфликт бил љубовниот триаголник:

„Серена беше толку фокусирана на нејзината врска со Григор, што беше тешко да разберам дали е лута бидејќи го изгубила дечко ѝ или бидејќи изгубила натпревар од мене“.

До 2020 година, Марија и Серена многупати дури и се навредуваа во јавност. Сепак, кога Марија најави дека става крај на кариерата, целата драма како да исчезна.

Марија изјави дека ќе се пензионира поради последиците од тенисот врз нејзиното физичко и ментално здравје.

Кратко по веста за пензионирањето, Марија се сврши со британскиот бизнисмен Александер Гилкс, а во 2022 година добија син.

Сега се залага за тоа да го направи тенисот спорт кој ќе биде подостапен за сите, особено деца од посиромашни семејства, а поддржува и неколку невладини и добротворни организации.

Спирова С. | Црнобело