Џастин и Хејли Бибер шетаат прегрнати по хоспитализацијата за тромб во мозокот: „Беше многу страшно, но таа е силна“
- Детали
- понеделник, 21 март 2022
Хејли Бибер се чувствува добро откако беше хоспитализирана поради тромб во мозокот, а тоа го покажуваат и најновите папарацо фотки со сопругот Џастин Бибер. Претходно, пејачот прозборе за целата ситуација за време на негов концерт, а извори блиски до парот тврдат дека тој бил поисплашен и од самата Хејли.
Хејли Бибер беше хоспитализирана поради тромб во мозокот, и иако и таа и нејзиниот сопруг Џастин Бибер изјавија дека искуството било многу страшно, 25-годишнит модел сега се чувствува добро.
Хејли самата откри дека итно била префрлена во болница и, за среќа, само неколку часа подоцна се чувствувала подобро.
Некој ден подоцна, на 16 март, нејзиниот сопруг Џастин Бибер имаше концерт во Денвер, каде што прозборе за целата ситуација.
Поради технички проблеми, пејачот мораше да го паузира концертот. Па, додека да се средат проблемите, реши да ја искористи можноста да зборува за неговата сакана и неочекуваните предизвици кои ни ги приредува животот.
„Повеќето од вас веројатно сте ги слушнале вестите за мојата сопруга… но сега е во ред, добра е, силна е. Сепак, беше страшно, беше навистина страшно.
Но, знам дека Бог ја чува и тоа е добро. Навистина е лудо како животот одеднаш ви создава пресврти. Навистина не можеме да контролираме многу работи“.
Во говорот на концертот, пејачот истакна и дека е свесен дека моментално во светот се случуваат многу полоши нешта, поради што сметал дека тој и неговите фанови се навистина среќни што можат да уживаат во тој момент.
„Сите ние да бидеме заедно во оваа просторија, да се смееме, да пееме… Мислам, дека нема подобро место на кое би сакал да бидам“.
https://www.instagram.com/p/CbNpcOpDBwe/
Според извори блиски до парот, 28-годишниот пејач бил поисплашен и од самата Хејли.
„Џастин им испрати пораки на сите што ги знае и ги замоли сите да се молат за неа. Постојано беше покрај неа. Ќе се грижи за неа и ќе ѝ помогне како што знае. Навистина е потресен“.
Изворите тврдат дека сега Џастин го минува секој слободен момент со Хејли, но и дека многу повеќе ги цени овие заеднички мигови.
Сепак, по сè изгледа дека Џастин и Хејли се чувствуваат добро, а тоа го докажуваат и нивните последни папарацо фотки.
Викендов, пејачот и моделот беа забележани низ улиците на Лос Анџелес со широки насмевки на нивните лице.
И Џастин и Хејли беа во лежерно издание, а речиси цело време беа прегрнати додека шетаа низ Лос Анџелес.
Прочитајте повеќе: Хејли Бибер хоспитализирана заради тромб во мозокот: „Имав симптоми на мозочен удар, сега сум добро“
Истиот ден, Хејли сподели и неколку фотки на Инстаграм на кои изгледа одлично.
Спирова С. | Црнобело
Би можело да ве интересира:
Препорачуваме
Најчитани неделава
