Џастин Бибер е мизерен со Хејли додека го очекуваат првото дете: „Очаен е, му ги троши парите и го контролира“

Детали

понеделник, 05 август 2024

„Хејли троши многу пари. Постојано патува со приватни авиони. Еднаш дури отиде на маникир со приватен авион“, вели извори близок до Џастин Бибер и сопругата, истакнувајќи дека пејачот е мизерен со неа.

Во периодот кога почнаа да се јавуваат шпекулации дека можеби ќе се разведуваат, Џастин и Хејли Бибер открија дека го очекуваат нивното прво дете.

Со оваа вест, дел од гласините замреа, но сега извори блиски до парот велат дека тие сепак не се среќни, особено Џастин, најмногу поради трошењето на Хејли.

Неодамна, Џастин пееше на претсвадбената прослава на синот на најбогатиот Индиец, за што му биле исплатени 10 милиони долари.

Богатството на Џастин веќе достигна 300 милиони долари, но изворите тврдат дека морал да го прифати и ангажманот од милијардерот бидејќи Хејли трошела неконтролирано.

Па, Џастин станувал „очаен“.

„Хејли троши многу пари. Има потрошено десетици милиони долари за да патува низ светот со приватни авиони.

Еднаш дури отиде со приватен авион на маникир“, вели едниот од изворите за Daily Mail.

Во последно време, Џастин не е активен на музичката сцена како порано, со што му се намалиле приходите, а наводно и за ова вината била кај Хејли.

„Се изолира од пријателите и семејството. Мизерен е бидејќи Хејли има целосна контрола врз него.

Како да си го изгуби идентитетот, креативноста… Нема инспирација“, додава изворот.

Пејачот нема издадено албум од 2021 година, а не бил на турнеја од 2022-ра. Лани, пак, ги продаде правата на сите негови досегашни песни за 200 милиони долари.

Ова значи дека тој веќе нема никаква заработка од песните што ги снимил пред 2021-ва.

А, за неговите блиски, ова било огромно изненадување.

„Сите го советуваа да не ги продава правата. Но, Хејли успеа да го убеди“, тврдат изворите.

Џастин ја запроси Хејли со прстен од 600.000 долари, а годинава тие ги обновија заветите, па пејачот ѝ даде уште еден прстен кој чини дури 1,5 милиони долари.

Наводно, Хејли сама си го побарала прстенот, а сега ги носела и двата.

„Првично Џастин не сакаше да ѝ го купува прстенот и некои блиски му кажаа дека не е во ред што Хејли му го побарала.

Но, Хејли му рече дека морале да ги обноват заветите, па на крај си доби тоа што сакаше“.

Изворите тврдат дека Хејли контролира и што носи пејачот. Наводно, таа го терала да носи исклучиво широка и лежерна облека, па и да изгледа запуштено, бидејќи така немало да им биде привлечен на другите жени.

Кратко по венчавката во 2018-та, се јавија првите гласини за брачните проблеми на Џастин и Хејли.

Во 2021-ва, и двајцата открија дека првата година им била навистина тешка, најмногу бидејќи Џастин имал депресија.

На почетокот од годинава, пак, таткото на Хејли со објава на социјалните мрежи ја замоли јавноста „да се моли за Џастин и Хејли“, но никогаш не се дозна што го натерало да го напише тоа.

Гласините за проблемите дополнително се разгореа во април годинава, кога Џастин сподели фотка на којашто плаче.

Во последно време, парот се нема огласено за шпекулациите.

Спирова С. | Црнобело