Причината за смртта на Авичи е самоубиство - индиректно посочува неговото семејство

Детали

петок, 27 април 2018

Светот не може да се помири со загубата на големиот уметник.

Семејството на диџејот и продуцент Авичи, кој неодамна беше пронајден мртов во Мускат, Оман, на 28-годишна возраст, индиректно посочува дека неговата смрт била самоубиство.

Тие во нивната изјава за јавностa велат дека тој повеќе не можел да продолжи така.

Нивната изјава во целост:

„Нашиот сакан Тим беше трагач, нежна уметничка душа која трагаше по одговори за егзистенцијални прашања.
Амбициозен перфекционист, кој патуваше и работеше напорно со темпо кое му донесе огромен стрес.
Кога престана со турнеи, сакаше да пронајде баланс во животот, да биде среќен и да може да го прави тоа што го сака најмногу - музиката.
Навистина се бореше со своите мисли за Смислата, Животот, Среќата.
Не можеше да продолжи веќе.
Сакаше да пронајде мир.
Тим не беше создаден за да биде дел од бизнис машината во која се најде, тој беше чувствително момче кое ги обожаваше своите фанови, но не сакаше да биде во центарот на вниманието.
Тим, засекогаш ќе биде сакан и болно ќе ни недостига.

Личноста која беше и твојата музика ќе го одржат жив споменот за тебе.

Те сакаме,
Твоето семејство“

Изјавата, која во оригинал е на шведски, индиректно посочува на самоубиство. Авичи претходно откри дека чувствува дека ќе умре во документарен филм, кој беше објавен во октомври минатата година.

Авичи престана во турнеи во 2016 година, но се соочуваше со здравствени проблеми поради прекумерното консумирање на алкохол и притисоците да продолжи со кариерата.

Во претходна изјава семејството на Тим напиша: „Би сакале да ви заблагодариме за поддршката и прекрасните зборови за нашиот син и брат. Благодарни сме му на секој што ја сакаше музиката на Тим и има убави спомени за неговите песни.“

Инаку, официјалниот полициски извештај за причината за смртта сè уште не е објавен.

С. С. | Црнобело