Љубовната приказна на Катерина од Берово и Захер од Либан: „Ме запроси на најубавото место во Саудиска Арабија“

Детали

вторник, 12 ноември 2024

„Се регистриравме во Македонија и закажавме свадба за следната година. После регистрацијата отидовме 10 дена во Италија, каде гледавме 3 натпревари на Јувентус, бидејќи Захер им е голем фан“, вели Катерина Пипонска (27) од Берово за CRNOBELO.com.

Катерина Пипонска (27) од Берово, години наназад работеше како стјуардеса, а сега ќе работи во областа на внатрешен дизајн во Саудиска Арабија.

Нејзиниот партнер Захер Хатум (37) од Либан е сопственик на маркетинг компанија.

Парот живее во Ријад, Саудиска Арабија.

Тој ја запроси во Саудиска Арбаија, па се регистрираа во Македонија и беа на патување во Италија.

Катерина ја споделува нивната љубовна приказна за CRNOBELO.com:

„Се запознавме преку другари. Колешка  ми се јави да им се придружам на базен. Mи кажа дека доаѓа некое нејзино друштво, па ајде да се дружиме.

Јас тој ден нешто не бев расположена и ми се седеше дома, но бидејќи многу инсистираше одлучив да им се придружам за да ми се промени расположението.

Кога стигнав, не знаев никој, па таму го запознав Захер.

Тој ден зборувавме на многу различни теми и некако од прва „кликнавме“. И двајцата имавме чувство како да се знаеме долго време.

Така започна нашата врска. 

Захер е многу грижлив и тоа многу ми се допадна. 

Покрај него се чувствувам многу безбедна и сакана. Ме мотивира во секоја смисла.

Почнавме да минуваме повеќе време заедно, бевме разделени само кога требаше да одиме на работа.

Сè се случи пребрзо.

Потоа, решивме да патуваме.

Отидовме на Бали, затоа што ми беше дестинација од соништата подолг период, имав планирано со другарка да патувам, но работите се сменија.

Продолжува на следната страница...