Весна Петрушевска за роденденот на ќерката Мина, која живее во Дубаи: „Да те немаше, пак ќе те пронајдев и ќе беше моја!“
- Детали
- понеделник, 11 ноември 2024
„Ова е првиот роденден каде не сме заедно. Ние родителите треба да сме лакот, а децата стрелата. Љубовта е несебична и многу повозвишенa од што можеме да претпоставиме“ - вели актерката Весна Петрушевска во емотивната објава по повод 20-тиот роденден на ќерката Мина.
Нашата актерка и ТВ водителка Весна Петрушевска на Инстаграм сподели кратко видео во кое ѝ го честита 20-тиот роденден на ќерката Мина, која од минатата година живее во Дубаи, каде работи.
Весна се присети на денот кога првпат ја видела Мина, која ѝ наликувала на порцеланска кукла на батерии.
Таа на Инстаграм објави видео направено од повеќе фотографии направени низ годините, на кои Мина позира заедно со мајка ѝ Весна, со братот Кирил, како и со Моника, третото дете за кое Весна се грижеше.
„Мина имаше 9 месеци и 3,5 килограми. Буквално кукла на батерии, да ти е страв да ја гушнеш оти беше порцеланска кукла.
Поминавме заедно како за три животи, јас и таа.
Но, таа нејзина насмевка ги освојува сите. Кога летово си замина за Дубаи со Мони (третото дете) ми кажа:
’Конечно ќе се ослободам од сите што ме гледаа под око и што не ме разбираа. Само ти ќе ми фалиш од Македонија и баба… Тато ќе го видам скоро‘.
Денес полни 20 години, живее во Дубаи со Моника, оди на работа каде сите ја сакаат оти таа освојува на прва топка.
Ова е првиот роденден каде не сме заедно.
Ние родителите треба да сме лакот, а децата стрелата. Љубовта е несебична и многу повозвишенa од што можеме да претпоставиме.
Мина, Минка, Миниминима среќна 20-ка ќерка. Да те немаше пак ќе те пронајдев и пак ќе беше моја ќерка! Убаво да си поминете со Мони и колегите! Ова е твој ден и наздрави за сите нас!“ – ѝ порача Весна на ќерката.
Погледнете го видеото:
Инаку Весна Петрушевска во едно гостување отворено зборуваше за нејзината борба со ендометриозата, како и за сè она што го поминале со Мина.
Повеќе на оваа тема, можете да прочитате ТУКА.
Б. С. Б. | Црнобело
Би можело да ве интересира:
Препорачуваме
Најчитани неделава
