Весна Петрушевска, по двете операции поради рак на дојка, имаше реконструктивна операција: „Ме оперираше врвна докторка“

Детали

понеделник, 07 април 2025

„Констатиран рак на десна дојка. Една операција. После 22 дена втора операција со мастектомија“, откри лани Весна Петрушевска, која викендов направи операција на Клиниката за пластична и реконструктивна хирургија. Таа се огласи оттаму и сподели: „Пациентите од Кочани ги држат како капка на дланка“.

Весна Петрушевска е поим за силна жена, која животот го прифаќа со сите негови предизвици, храбро се бори, често и сама, и продолжува понатаму посилна.

Таа гостуваше во емисијата „Претрес“ на Кристијан Ландов, каде си ја соголе душата и зборуваше за сè – од долговите во банките поради здравствените трошоци за престојот во болница на ќерката Мина во Дубаи, па до нејзината дијагноза рак.

Тогаш Весна изјави: „На Мина ѝ се случи она што на ниту еден родител не посакувам, а тоа е да не знаете дали ќе се разбуди од кома или не...“

Во „Претрес“ кај Ландов

Прочитајте и Весна Петрушевска со трогателна исповед: „Не знаев дали Мина ќе се разбуди од кома или не“

Викендов, Весна сама во свој стил, со автомобилот се одвезе до Државната болница, сними видео на Инстаграм Стори како бара паркинг и сподели дека оди на уште една операција – овој пат реконструктивна операција на Универзитетската клиника за пластична и реконструктивна хирургија, по мастектомијата поради рак на градата.

По операцијата Весна, задоволна од третманот таму, се огласи на Инстаграм:

„Денес оваа врвна докторка (д-р Јасмина Ѓоргиевска Павловска) ме оперираше... Вие немате поим каков е овој оддел за пластична реконструктивна хирургија – фантастични!

А, Јасмина Ѓоргиевска Павловска, која воедно е и директорка на Универзитетската клиника за пластична и реконструктивна хирургија е жена ‘змај’. Длабок поклон.

Пациентите од Кочани ги држат како капка на дланка“.

Инаку минатата година Весна јавно ја покажа лузната по мастектомијата:

С. С. | Црнобело