Пере од Нокаут: „Денес ми е роденден - не те славам, не ми се пее, деца изгореа во песната“

Детали

понеделник, 24 март 2025

„Ова не е објава, туку белег со неколку реда што ме болат. Не ми се пие и пее, не ми се брои години. Децата изгореа во песната, музичарите паднаа на бината...“, пишува Никола Перевски Пере на својот роденден.

Никола Перевски Пере од Нокаут денес (24.03) има роденден, но вели дека не му е ниту до славење, ниту до броење години, ниту до песна среде оваа трагедија која Македонија ја живее.

Неговата објава по тој повод гласи:

РОДЕНДЕН

„Денес ми е роденден.
Се сеќавам.

Не те славам.

Ова не е објава,
туку белег со неколку реда
што ме болат.

Не ми се пие и пее,
не ми се брои
години.

Децата изгореа во песната,
музичарите паднаа на бината.

Како ноти што никогаш
не добиваат рефрен.

Некои си отидоа
пеејќи.

Други со рацете на жиците.
Сцената ги прегрна
мајка како што не пушта и
кога знае дека губи.

Денес ми е роденден.
но нема што да посакувам.

Освен да го вратат времето
или барем
да престане да пече“.

Никола Перевски

С. С. | Црнобело