Мартија Станојковиќ и саканиот на романтично патување за Валентајн - јадат пица во форма на срце

Детали

петок, 14 февруари 2025

Мартија и нејзиниот сакан Матеј се во врска околу 2 години, но парот многу ретко објавува заеднички фотографии и детали за својата љубов. 

Пејачката Мартија Станојковиќ (20) скоро две години ужива во љубовта со Матеј Казаков.

Таа и нејзиното момче го чуваат приватниот живот далеку од очите на јавноста, но често одат на заеднички патувања, а пејачката повремено знае да сподели некоја фотка со саканиот.

Така беше и овој пат. Пред Денот на вљубените, Мартија и Матеј заминаа во Белград, па меѓу другите фотографии што пејачката ги објави на Инстаграм Стори, е и една од Матеј.

Фотката е направена во ресторанот на хотелот „Индиго“, кој се наоѓа во срцето на градот, на улицата „Кнез Михаилова“.

Мартија сподели и неколку фотографии од ентериерот на ресторанот, но и храната што ја порачале, а меѓу нив и пица во форма на срце.

Дека е во љубов со Матеј, Мартија откри во летото 2023, но тогаш не го покажа неговиот лик.

Првите фотографии како пар ги објавија неколку месеци подоцна, кога беа гости на свадба во Скопје.

Погледнете повеќе фотографии од патувањето во Белград:

Прочитајте и Мартија Станојковиќ првпат се појави во јавност со дечкото - заљубена, блеска покрај него на свадба (фото)

А. Ј. | Црнобело