„Болката е неподнослива“ – Бруклин Бекам ја теши сопругата на погребот на нејзиното куче

Детали

четврток, 01 август 2024

„Ќе се заложам за ова повеќе никому да не му се случи, затоа што болката е неподнослива. Нала отиде на груминг среќна, а излезе повредена и вознемирена. Почина 2 часа подоцна“ – рече сопругата на Бруклин Бекам, по смртта на нејзината чивава. Таа објави фотка на која е скршена од болка на погребот на миленикот, а сопругот ја теши.

Сопругата на Бруклин Бекам, Никола Пелц во изминативе месеци поминува низ мошне тешки мигови. Во мај почина нејзината сакана баба, а сега се соочува со огромна тага, откако почина нејзината чивава – Нала.

Никола на својот Инстаграм профил објави фотка на која се гледа дека на нејзиното куче му организирале погреб со ковчег и цвеќиња, а нејзиниот сопруг Бруклин цврсто ја држи во прегратки и ја теши додека таа плаче.

Таа минатиот месец објави дека нејзиното куче Нала починало по престој кај фризер, а по тој повод веќе најави дека ќе ги ангажира најдобрите адвокати.

Снаата на Бекамови поднесе тужба против салонот и фризерот кој правел груминг третман за нејзината 8-годишна чивава неколку часа пред да почине.

Според тужбата, Никола ангажирала компанија која нуди груминг во комби, за да ја избањаат Нала, да ја исушат, да ѝ ги скратат ноктите и да ѝ ги исчистат ушите и забите.

„Нала влезе во комбито како среќно и здраво куче. По 20 до 25 минути асистентката во салонот на Никола ѝ ја врати повредена и видно вознемирена – а беше видливо дека дише тешко и цела е растреперена“ – се вели во тужбата.

По ова, Никола веднаш го однела миленикот на ветеринар, каде било утврдено дека јазикот на Нала е син, има течност во белите дробови и претрпела повреди на нервниот систем.

Кучето починало само 2 часа по сесијата за груминг.

По смртта на Нала, Никола беше скршена од болка, па на својот Инстаграм објави подолго Стори, во кое појасни како се чувствува:

„Срцето ми е скршено во последните неколку месеци. Последниот месец беше еден од најтешките во мојот живот.

Прво почина мојата баба, а потоа ме погоди и ненадејната смрт на мојата Нала, која на груминг отиде среќна, а се врати вознемирена и почина само неколку часа подоцна – целото наше семејство е скршено од болка.

Ќе се заложам за ова повеќе никому да не му се случи, на ниту едно друго семејство, затоа што болката е неподнослива“ – порача тогаш Никола.

Инаку, богатата наследничка и актерка започна истрага за смртта на нејзиниот омилен миленик, а според американските таблоиди, фризерот кого таа го тужи Џони Себајос, имал долга историја на злоупотреба на кучиња.

Прочитајте и Не сака домашни миленици и чисти кога сите ќе си легнат - Помалку познати факти за Дејвид Бекам

Б. С. Б. | Црнобело