Вил Смит флертува и се бакнува со шпанска пејачка, но не се разведува: „Џејда си заслужи да ја понижи јавно“

Детали

среда, 26 февруари 2025

Страсниот настап на Вил Смит и пејачката Индија Мартинез на кој делува како да се бакнуваат го подели мислењето на јавноста – некои го опишуваат како невкусен, додека други велат дека по целото понижување што го трпел од сопругата Џејда, време е да ѝ врати.

Слободно можеме да кажеме дека бракот на Вил Смит и Џејда Пинкет Смит е еден од најчудните во Холивуд.

Актерите не се разведени, но велат дека се разделени и покрај тоа што честопати заедно присуствуваат на важни настани.

Наводно не живеат во ист дом, но дури и откако споделија дека се разделени, папараците честопати ги фотографираат заедно низ Лос Анџелес.

Џејда дури и се пофали дека имала афера со многу помлад маж и наводно добила благослов од Вил.

Сега парот повторно се најде во центарот на вниманието, по настап на Вил Смит во Мајами.

На 20-ти февруари, 56-годишниот актер застана на сцена со шпанската пејачка Индија Мартинез за време на доделување на награди за латино музика.

Додека се на сцената, актерот и 39-годишната Индија во еден миг делува како да се бакнуваат - Индија му ја држи главата на актерот, додека тој ја фаќа за половината.

Потоа се појави и фотка од бекстејџ на настанот, на која Индија буквално му скока во прегратка на Вил.

Настапот и фотката го поделија мислењето на јавноста – некои го критикуваат Вил, додека други сметаат дека сопругата Џејда заслужила вакво понижување.

„Непристојно е, без разлика што е музички настап“.

„Вил како да заборави дека е на сцена кога ја прегрна“.

„Зошто го критикувате? Џејда многупати го понижи јавно“.

„Браво за Вил. Заслужува да живее исполнет живот – Џејда многу му наштети“.

Откако видеото од настапот стана вирално, јавноста ги забележа и објавите на Вил и Индија во кои очигледно флертуваат.

Погледнете и: Гласини дека е скиентолог, удри репортер: Скандалозни детали од животот на Вил Смит

На наградите, тие изведуваа нивна нова заедничка песна, а во коментари на објавите во коишто ја промовираат, Индија вели дека биле „како две деца кои првпат се вљубуваат“.

И двајцата споделувале слични изјави и коментари неколку дена пред настапот.

Инаку, Вил и Џејда Смит последен пат беа забележани заедно кон крајот на 2024-та и на папарацо фотките се прегрнати.

Претходно и двајцата имаат зборувано за нивниот бизарен брак и некогаш велат дека се како разведени, но другпат велат дека се заедно, без разлика што живеат во одвоени домови.

И извор близок до парот неодамна изјави дека тие дефинитивно се заедно.

Погледнете и: „Крис Рок ме покани на состанок пред шлаканицата на Оскарите, со Вил сме разделени 7 години“: Џејда Пинкет Смит за љубовниот живот

Спирова С. | Црнобело