„Насекаде шета гол, непријатно ми е да го гледам“ – Српска новинарка за Финецот на Евровизија 2024
- Детали
- четврток, 09 мај 2024
„Сигурна сум дека има некоја подлабока порака зад тоа, но навистина не е пријатно за гледање. Тој така се движи насекаде, но не е баш пристојно“ – вели српската новинарка Кристина Раденковиќ за настапот на финскиот претставник на Евровизија 2024.
Меѓу претставниците што привлекоа големо внимание за време нa првата полуфинална вечер на Евровизија 2024, беше и финскиот претставник Windows95man, кој на сцената излезе со танга во боја на кожа и целиот сценски настап му се засноваше на криење на сопствената машкост и на голиот задник.
Тој ја изведе песната „No rules“, а гледачите пред малите екрани речиси и да не слушнаа за што пее, туку цело време се прашуваа дали е целосно гол или пак носи барем нешто нa себе.
Српската новинарка Кристина Раденковиќ која беше присутна во Малме, вели дека воопшто не било пријатно во живо да се следи неговиот настап.
„Јас тоа не го видов на пробата, ми беше непријатно да го гледам и не би сакала да го коментирам. Навистина е непотребно, а пораката на финскиот претставник е дека сите треба да бидеме голи.
Сигурна сум дека има некоја подлабока порака зад тоа, но навистина не е пријатно за гледање. Тој така се движи насекаде, но не е баш пристојно“ – вели таа во изјава за српските медиуми.
Самиот претставник беше прашан за тоа што мисли за критиките упатени до него, на што одговори:
„Мојот изглед им се допаѓа на мојот син и на младите луѓе, но и на бабичките.
Сметам дека ако ним им се допаѓа и ако на децата и на старите луѓе не им е грижа, и мене веќе не ми е грижа.
Сметам дека возрасните треба да научат малку од нив и да се опуштат и да сфатат дека не е страшно ако видат мал дел од мојот задник“ – изјави тој.
И покрај критиките Windows95man успеа да влезе во финале, па публиката ќе има можност уште еднаш да го види неговиот гол задник на 11-ти мај, кога ќе се натпреварува за победа на Евровизија 2024.
Прочитајте и Ги прекрши правилата на настапот, страда од АДХД – Која е Иркинката што изведе сатанистички ритуал на Евровизија 2024?
Б. С. Б. | Црнобело
Би можело да ве интересира:
Препорачуваме
Најчитани неделава
