Македонка го покажа лицето со акни: „Излезете надвор со крената глава и без шминка“

Детали

понеделник, 25 јануари 2021

„Со оваа порака сакам да им пружам поддршка на сите девојки што имаат проблем со акни. Не се срамете од оваа ситуација, излезете надвор без шминка …“, порачува Зои Блаж.

Зои Блаж е шминкерка и пејачка која на својот Инстаграм профил, каде има повеќе од 17.000 следбеници, постојано прикажува каква моќ на трансформација има шминката.

Овојпат таа одлучи без грам шминка на себе отворено да проговори за својот проблем со кожата и да им даде поддршка на сите девојки кои минуваат низ истото.

Зои Блаж во описот на фотографијата напиша:

„Со оваа порака сакам да им кажам и пружам поддршка на сите девојки што имаат проблем со АКНИ … Не се срамете од оваа ситуација, сакајте се себе онакви какви што сте, излезете надвор со крената глава и без шминка, кога ќе ве праша некој еј што ти е со лицето? – Насмевнете се и кажете им ќе помине.

Иако имаме проблем со акни и не можеме да ги излечиме толку брзо, морате да имате трпение, самодоверба, да ширите љубов бидејќи и тоа е еден вид на лекување. Не се заморувајте со негативни коментари и не им замерувајте на таквите.

Оние што сакаат да прашаат во врска со лицето, бидете помеки не ги повредувајте – прашајте нè дали имаме болка, како сме, дали треба да ни помогнете. Бидејќи ако нè напаѓате и навредувате покажувате колку сте НЕ луѓе.

Девојки заедно сме посилни, во секое време пишете ми, ВЕ САКАМ“

Повеќе фотки од Зои:

Прочитајте и „Мислев дека ако правам вежби за задник, тогаш тој ќе исчезне“ - драстична трансформација на Македонка

С. С. | Црнобело