Зои Блаж и ракометарот Тадеј го открија полот на бебето: „Принцезо наша со нетрпение те чекаме“

Детали

сабота, 21 декември 2024

Македонската инфлуенсерка и словенечкиот спортист преку Инстаграм открија дека ќе станат родители на девојче.

Инфлуенсерката Зои Блаж, односно Зорица Матијашич од Скопје, пред повеќе од еден месец откри дека е бремена, а сега со сопругот го открија и полот на бебето.

Тие објавија фотографии на Инстаграм на кои голото трудничко стомаче на нашата инфлуенсерка е „украсено“ со траги од дланки во розова боја, со што Зои и Тадеј открија дека чекаат женско бебе.

„Принцезо наша, со нетрпение те чекаме. Нашата најголема желба станува реалност“, пишува во објавата.

Некогашна пејачка и сопственичка на салон за убавина, веќе неколку години е во брак е со словенечкиот ракометар, а парот, кој се запозна во Скопје, веќе извесен период живее во планинското германско гратче Зул.

А. Ј. | Црнобело