Сузана Турунџиева: „Трчаш за на работа, да испазариш, да зготвиш, да платиш рата за кредит - зошто?“

Детали

недела, 03 ноември 2024

„Трчаш да платиш сметки, рата за кредит, летување за децата... Школување... Курсеви, секции... Трчаш и никако да истрчаш насекаде. До каде, до кога?! Зошто?!“, гласи дел од моќната објава на Сузана Турунџиева.

Водителката Сузана Турунџиева е позната како вљубеничка во пишаниот збор.

Неретко своите мисли, покрај во книги, ги преточува и во статуси на нејзиниот Фејсбук профил.

Така, сега таа напиша објава која и вас ќе ве натера да се подзамислите.

Објавата на Сузана Турунџиева:

„Трчаш за на работа...

Трчаш да се вратиш од работа...

Трчаш да најдеш и дополнителна работа...

Трчаш да платиш сметки, рата за кредит, летување за децата... Школување... Курсеви, секции...

Трчаш да испазариш, да зготвиш, да пречекаш и испратиш гости...

Трчаш по состаноци, настани, „битни“ средби... Ги оставаш „на чекање“ најважните луѓе во твојот живот, за некои наводно „значајни“ настани...

Трчаш и никако да истрчаш насекаде.

До каде, до кога?! Зошто?!

Престани да се натпреваруваш со животот, успори малку, преиспитај се и откриј на колку сè места не мораш да бидеш...

Намали го малку товарот кој сам(а) си го качил(а) на твојот грб... Престани да мислиш на сè и на сите, секогаш! Не заборавај да се ставиш себеси на првото место, особено ако од тебе зависат и други членови во семејството...

Запамети!

Сè може да почека, само твоето здравје НЕ!

Закажи прегледи и грижи се за твоето здравје, НАЈПРВО ЗА СЕБЕ, после за сè останато!“

С. С. | Црнобело