Музички времеплов со Дац и Александар: Се потсетија на „Бушава азбука“ и хитовите на Митевски од пред 25 години
- Детали
- вторник, 13 август 2024
„Музички времеплов низ спомените. Убави времиња“, велат Дац и Александар, кои споделија неколку ретро видеа од почетоците на своите кариери и ги дополнија со снимки од изминатиот период.
Дуото Дац и Александар, со неколку видеа на својот профил на Инстаграм ја разбудија носталгијата кај повозрасните генерации, кои растеа во времето на „Бушава азбука“ и кои беа тинејџери кон крајот на 1990-те и почетокот на 2000-те години.
Па, така, Дац ја испеа воведната тема на „Бушава азбука“, емисијата која почна да се прикажува во 1985 година.
Во видеото се вклучени денешни снимки, но и видеа од омилената детска емисија од тоа време.
„Се сеќавам, песната ја снимавме годината кога завршив факултет“, вели Дац, пред да почне да пее.
Александар, пак, сподели две видеа, од неговите спотови - за „Латино ЦД“, песната снимена пред 24 години и „100% фанки“, хитот кој го испеа пред четвртина век, во 1999 година.
„Кого го потсеќа оваа песна на младоста? Флешбек од 1999 година до денес“, стои на Инстаграм.
Во видеата, освен спотовите за двете песни на Александар, се искористени и снимки од нови настапи на дуото, за да се направи споредбата „Некогаш и денес“.
Колку се сменети Александар и Дац од тоа време до сега?
Погледнете ги видеата:
А. Ј. | Црнобело
Би можело да ве интересира:
Препорачуваме
Најчитани неделава
