Александар Динев за булингот: „Дури и во живо се случува да бидам нападнат“
- Детали
- четврток, 31 октомври 2024
„На страна тоа што онлајн добивам безброј негативни коментари и во живо се случува да бидам нападнат вербално, понекогаш се случувало и физички да ме нападнат луѓе“, вели искрено тиктокерот Александар Динев.
Тиктокерот Александар Динев гостуваше во новата епизода на поткастот „Тивка Врева“ и отворено говори на тема булинг.
Проблем за кој треба јавно да се говори за жртвите на булинг да се охрабрат за да побараат помош.
Александар Динев во поткастот на Пеце од „Суперхикс“ вели:
„Сум се соочил во булинг во училиште. Тоа не е некој нов тренд, па да кажеме дека сега булингот е актуелен, а претходно не постоел.
Постоел, само не се зборувало толку многу и се ставало сè под тепих.
Но, и сега кога почнав со работа на социјалните мрежи, сè повеќе е застапено, за жал.
На страна тоа што онлајн, на интернет, добивам безброј негативни коментари и во живо се случува да бидам нападнат вербално, понекогаш се случувало и физички да ме нападнат луѓе.
На прашањето „Зошто се случува ова“, Динев вели:
„Најверојатно не им се допаѓам и јас не очекувам на секого да се допаднам, само не и да бидам нападнат.
Мене ако нешто не ми се допаѓа кај некој, нема да го нападнам или дури и да прокоментирам нешто.
Си останувам без да дадам мислење. Но, можеби тоа го правам затоа што сум почувствувал на своја кожа, па знам како е, а луѓето кои што не почувствувале, можеби го прават тоа за да изгледаат покул и да се исмеваат“.
Погледнете го целото гостување:
Прочитајте и Александар Динев (18), со солзи во очите: „На 14 години станав мета на сајбер булинг, беше ужасно, се затворив дома“
Би можело да ве интересира:
Препорачуваме
Најчитани неделава
