Александар Динев (18), со солзи во очите: „На 14 години станав мета на сајбер булинг, беше ужасно, се затворив дома“

Детали

вторник, 08 ноември 2022

„Ми велеа дека сум дебел, ми велеа дека никој не ме сака, направија да не можам да спијам навечер и ме доведоа до степен на суицидни мисли“, гласи дел од потресната исповед на младиот Александар Динев, кој порачува дека мора да се говори гласно против сајбер насилниците.

Александар Динев (18) е еден од нашите најпознати тиктокери, кој сега проговори отворено на многу важна тема, која засега многумина.

Со солзи во очите тој искрено проговори дека бил жртва на сајбер булинг и како неговата битка започнала пред 4 години, кога имал 14 години и започнал да снима видеа за на социјалните мрежи.

Откри дека добивал погрдни коментари за изгледот, закани по живот и ужасни коментари од типот „Никој не те сака“ кој го држеле буден длабоко во ноќта.

На неговиот Инстаграм профил го објави видето каде искрено говори за негативните коментари и сајбер булингот, кој во еден миг го довел дури и до суицидни мисли.

Во описот на видеото пишува:

„Во моментот кога гласно зборуваш за твоето искуство со сајбер булингот престанува теророт од насилството кое ти го нанел сајбер насилникот. Токму тој момент од жртва стануваш преживеан и си дел од движењето Сајбер жртви, кое јас и Меѓународното училиште НОВА заедно го започнуваме и сакаме да стигнеме до 1000 жртви помалку од сајбер булинг.

Затоа те охрабруваме да ја споделиш приказната во било која форма и да ти одговара, со цел подигање на свеста на сите оние кои се жртви и/или злосторници на сајбер булингот.
На овој начин сите се движиме, еден по еден со ИЛЈАДА ЖРТВИ ПОМАЛКУ!“

Слушнете ја неговата приказна:

View this post on Instagram