Првпат запеале заедно во 2009-та, денес се неразделни – Како настанало дуото Дац и Александар?

Детали

сабота, 13 јули 2024

„На денешен ден, пред 15 години, Александар ја сними ’За век и векови‘. Во спотот глумеше и Драган Спасов Дац…“

Дац и Александар се едни од најомилените музички изведувачи во Македонија.

Откако го оформија дуото, имаа бројни настапи, а издадоа и неколку песни кои преку ноќ станаа хитови.

Но, дали знаете како воопшто настанал овој спој и дека првпат настапиле заедно уште во 2009 година?

Со видео на нивниот официјален Фејсбук профил, тие открија дека сè почнало кога Александар го снимал спотот за песната „За век и векови“, во кој глумел и Дац.

„На денешен ден, пред 15 години, Александар ја сними 'За век и векови'. Во спотот глумеше и Драган Спасов Дац.

Се снимаше 24 часа на кеј, во кубанскиот La Bodeguita Del Medio. За снимањето се направија и испија преку 1.000 мохита.

Глумеа нивните другари Пиже, Зеко, Љупа, Томче, Дракче, Куше, Рики…

Во спотот се појави и танчарски пар од Куба.

Направија журка на бродот Александрија во Охрид на 15 август 2009.

И тогаш за првпат запеаја заедно Дац и Александар, за после 10 години, Копров да ги спои на Охрид Фест 2019“, пишува во видеото.

„Ништо не е случајно во животот“, стои во описот на објавата.

Погледнете го видеото во продолжение:

Спирова С. | Црнобело

фото: Фејсбук, Инстаграм