Владо Георгиев емотивен за роденденот на помалата ќерка, која со години ја криеше од јавноста

Детали

четврток, 13 февруари 2025

„Има толку многу љубов во погледот“ - му напишаа следбениците на Владо Георгиев на Инстаграм, откако објави ретки фотографии со помалата ќерка.

Владо Георгиев во јавноста е познат по многуте скандали, концертите на кои доцни или доаѓа поднапиен, па се тетерави на сцената, но и по фактот што со својата сакана поканија гости „на свадба“, а потоа пред сите на матичарот му кажаа не - и продолжија да слават што не се во брак.

Парот има две ќерки, Софија и Елена, кои познатиот пејач не ги експонира во јавноста.

Владо пред само неколку месеци објави прва фотка од помалата ќерка Елена, на првиот училиштен ден - во тоа време девојчето веќе имаше 6 и пол години.

Но, се чини дека и покрај бројните скандали што го следат, Владо е нежен, грижлив и посветен татко, кој си ги обожава ќерките.

Тој неодамна одржа три концерти во белградскиот Сава Центар, а на еден од нив на сцената со него излезе помалата ќерка Елена.

Во долг фустан, со лакирани чевличиња и собрана коса, таа изгледа како мала принцеза.

Токму тие фотографии пејачот ги искористи за да ѝ го честита роденденот на ќерка си.

„Мојата Елена денес наполни 7 години. Мојот мал живот и питома татина трошка. Мојата љубов“ - напиша пејачот во пораката на Инстаграм.

Малата Елена доби многу роденденски честитки и од следбениците на татко ѝ.

А во една од нив пишува:

„Има толку многу љубов во погледот“.

Прочитајте и Пред матичарот со својата избраничка кажаа „не“, на Наташа Беквалац ѝ ја посвети песната „Лажљива“ – Факти за маестралниот Владо Георгиев

А. Ј. | Црнобело