Најбурните естрадни разводи во регионот: Неверства, обвинувања за физичко насилство

Детали

сабота, 01 јуни 2024

Од Елена Велевска, преку Харис Џиновиќ, до Ана и Раста - кои се некои од најбурните разводи на естрадата во регионот?

Разводите не се никогаш лесни ни „убави“. Кога се во прашање познатите личности, разводите се уште полоши, бидејќи тие се во центарот на вниманието, а јавноста сака да знае сè - кој е иницијатор, дали некој направил прељуба, зошто се разведуваат.

Уште и ако бракот бил проблематичен - скандалите се загарантирани.

Кои се најбурните разводи на естрадата кај нас и во регионот?

Елена Велевска и Марјан Мирчески

Елена Велевска и нејзиниот поранешен сопруг Марјан Мирчески имаа еден од најбурните разводи во Македонија.

Пејачката се исели од нивниот дом во Охрид и се врати во Прилеп, но нивните три деца останаа да живеат со таткото.

Таа го обвини поранешниот сопруг и за физичко насилство, а тој, пак, за медиумите изјави дека не е точно и дека до пред разводот секогаш и секаде зборувала најубаво за него, а сега одеднаш го претставува како насилник.

Парот се обиде и да се смири и да си дадат уште една шанса, но на крајот, сепак се разведоа.

Харис и Мелиса Џиновиќ

Пејачот и модната дизајнерка, која создава креации и за холивудските ѕвезди, неодамна открија дека ќе се разведуваат.

Уште во моментот кога се дозна за разводот, Харис почна јавно да „плука“ по својата 30 години помлада сопруга. Тој ја обвини и за неверство.

„Има една стара поговорка ‘изневерениот маж последен дознава’, некој тоа не го измислил за џабе. Не ме прашувајте ништо за разводот, прашајте ја Мелина, јас не ја оставив неа, туку таа ме остави, таа знае сè“, рекол Харис.

Анѓелка и Дарио Прпиќ

Српската актерка Анѓелка Прпиќ помина низ големи премрежија, но и скандали во бракот со сопругот Дарио.

Регионалните медиуми пишуваа дека тој ја изневерил Анѓелка со ријалити ѕвездата Ава Карабатиќ, но актерката му го прости неверството.

Сепак, по 9 години брак од кој имаат син, тие решија да се разведат.

Брзо потоа, Анѓелка остана бремена од нивниот кум, Марио Жугиќ. Парот тајно се венча во 2023, по раѓањето на нивната ќерка.

Аца Лукас и Соња Вуксановиќ

Веста за разводот на пејачот и неговата сопруга Соња ја изненади јавноста, бидејќи делуваше дека имаат складен брак.

По разводот, во својата автобиографија Лукас напиша дека бракот се распаднал кога дознал дека Соња го изневерува со познат кошаркар.

Таа не му остана должна, па во интервју рече дека Аца ја изневерувал во текот на целиот брак, со многу жени, а една од нив била Ана Севиќ.

Наташа Беквалац и Лука Лазукиќ

Само 40 дена откако се роди нивната ќерка, Наташа Беквалац го пријави сопругот Лука Лазукиќ за семејно насилство, ги покажа модринките и откри дека се разведува третпат.

Лазукиќ доби условна казна од 8 месеци затоа што ја натепал пејачката.

Ана Николиќ и Стефан Ѓуриќ Раста

Ана и Раста се венчаа тајно, но по неколку години љубов се разведоа.

Иако делуваше дека ќе се разведат мирно, тие почнаа да ја вадат на површина „валканата облека“ и да откриваат детали од нивниот брак.

Во една пригода Ана призна и дека му го уништила автомобилот вреден 100.000 евра.

Гоца Тржан и Иван Маринковиќ

Пејачката и нејзиниот поранешен сопруг и денес водат „медиумска војна“, иако се разведоа во 2011 година.

Од првиот момент се обвинуваат еден со друг за разводот.

И Гоца и Иван тврдат дека биле изневерени, а Гоца го обвини Иван дека поради него влегла во долгови и дека бил со неа само поради парите.

А. Ј. | Црнобело

Фото: принтскрин Фејсбук/Инстаграм