Зошто Ана Михајловски ги тера сите жени да престанат да чистат дома?
- Детали
- сабота, 26 октомври 2024
Српската водителка Ана Михајловски сними видео како ја чисти тоалетната школка, мести кревети, пушта машина за перење и ги повикува жените да престанат со вршење на куќните обврски. Зошто го прави ова?
Ана Михајловски e српска ТВ водителка, која на македонската публика ѝ е најпозната по тоа што ги водеше емисиите „Операција Триумф“, „Твоето лице звучи познато“ и „Ѕвездичките на Пинк“.
Таа повеќе од две децении гради успешна телевизиска кариера, а честопати го привлекува вниманието и заради случувањата во нејзиниот приватен живот, но и со тоа што секогаш јавно говори за своите ставови.
Токму така е и сега со огласување на темата колку жените работат повеќе од мажите во домаќинството и колку оваа нивна работа не е ценета од страна на партнерите.
Taa во соработка со организацијата UN Women Serbia сними моќно видео со кое ги повикува жените на бунт и им порачува на 29-ти октомври да престанат со целата работа во домаќинството.
Говорот на Ана, во видеото снимено додека чисти дома, гласи:
„Дали сте знаеле дека жените, без разлика дали се вработени или не, поминуваат двојно повеќе време во работа дома за разлика од мажите?
94% од жените кои работат пократко од полно работно време, како причина за тоа ја наведуваат токму грижата за децата и другите членови од семејството.
Оние жени кој се во брак и со дете на возраст до 7 години поминуваат цело работно време вршејќи неплатени домашни работи.
Вкупната годишна вредност на неплатената работа во рамките на домаќинството чини дури 21.5 проценти од БДП во Република Србија.
Одржувањето на домаќинството, готвењето, пеглањето, набавката на намирници, грижата за болните членови на семејството или за старите членови на семејството нерамномерно е распоредена помеѓу мажите и жените.
На 29-ти октомври го одбележуваме Меѓународниот ден за нега и поддршка со цел и во Србија да стане традиција.
Затоа ги повикувам сите жени на 29-ти октомври едноставно да прекинат со работење дома.
Престанете со работење и заедно да ја покажеме значајноста и вредноста на нашето работење“.
Погледнете го видеото:
С. С. | Црнобело
Би можело да ве интересира:
Препорачуваме
Најчитани неделава
