Партнерот на филмската ќерка на Никола Којо е хит за тетоважата со нејзиниот лик: „Ем ја изневерува, ем ја носи на гради“

Детали

петок, 09 јуни 2023

„Веројатно изгубил облог дека нема да ја изневери“ – саркастично коментираат твитерџиите за новата фотографија на партнерот на Мирка Васиљевиќ, кој и по 4 деца не стапува во брак со неа, а постојано кружат гласини дека има нови авантури и афери со други жени.

Српската актерка Мирка Васиљевиќ (32) сите ја помниме по улогата на Софија во филмот „Ми нисмо анџели 2“, а привлекува внимание и заради врската со нејзиниот партнер, фудбалерот Вујадин Савиќ со кого има 4 деца.

Мирка и Вујадин се заедно од 2009-та година, а нивната врска честопати била тема во српските таблоиди, пред сѐ заради тоа што заедно имаат 4 деца, а никогаш не стапиле во брак.

Српските таблоиди честопати пишуваат за наводните неверства на Вујадин, а сега, фудбалерот одлучи да им стави крај на шпекулациите и на Инстаграм Стори објави нова фотографија од море на која може да се види која е единствената жена во неговиот живот.

На најновата фотографија од плажа Вујадин позира без маица, а на неговите гради е истетовиран ликот на Мирка.

Одлуката на Вујадин да направи тетоважа со ликот на неговата партнерка веднаш стана хит на социјалните мрежи.

Твитерџиите побрзаа да коментираат за новата тетоважа на Вујадин, па напишаа:

„Сигурно сега секојпат кога Мирка ќе му коментира за неверствата, тој ќе рече: ‘Види што направив за тебе’“;

„Тоа што те изневерувам нема врска, важно го истетовирав твојот лик“;

„Веројатно изгубил облог дека нема да ја изневери“;

„Не можел дури ниту на срцето да ја стави“;

„Полесно му е да ја истетовира, отколку да се ожени за неа“ – стои во дел од коментарите.

presmešno mi je pic.twitter.com/YuRpJoyl2E

— Keti Ra (@stetazamene) June 8, 2023

Минатата година сите регионални магазини пренесоа дека актерката останала посрамотена на црвен тепих на премиерата на филмот „Комедија на три спрата“, откако Вујадин ѝ се развикал пред присутните и ѝ рекол:

„Бегај ма. Оди сликај се сама. Знаеш дека тоа не ме интересира“.

Претходно, пак, во таблоидите се нижеа написи дека Вујадин излегува и ја изневерува Мирка, додека таа седи бремена дома.

Прочитајте и Гласини дека партнерот ја изневерува, 4 деца на 31 година - факти за филмската ќерка на Никола Којо од „Ми нисмо Анџели“

Погледнете како изгледа одблиску тетоважата на Вујадин со ликот на Мирка:

Б. С. Б. | Црнобело